Posted: 03/05/2012 06:35 PM IST

కర్నూలు మాజీ మేయర్ భంగి అనంతయ్య అంటే దాదాపు తెలియని వారు ఉండరు. ఆయన వేసే వింత వింత వేషాలు, వినూత్న పద్దతుల ద్వారా నిరసనలు తెలిపే భంగి అనంతయ్య తాజాగా తన నిరసనను చంద్రబాబు మీద వెరైటీగా చూపారు.

స్వామిజీ వేషం వేసి బిక్షాటన చేసి కర్నూలు కలెక్టరేట్ వద్ద చంద్రబాబు మీద ఇలా నిరసన వ్యక్తం చేశాడు. పార్టీ కోసం తాను ఎంత కష్టపడి పనిచేసినా, చంద్రబాబు తగిన గుర్తింపు ఇవ్వలేదని.. ఆయన్ను నమ్ముకుని పార్టీ కోసం పనిచేస్తే ఇప్పుడు బూడిద మిగిలిందని ఆవేదన వ్యక్తంచేశారు. చంద్రబాబు సొంత మామకే వెన్నుపోటు పొడిచి.. అధికారం చేజిక్కించుకున్నారని మండిపడ్డారు. ప్రస్తుతం టీడీపీని ధనవంతులు, రౌడీషీటర్లు, గూండాలు నడుపుతున్నారని దుయ్యబట్టారు. వెంటనే చంద్రబాబు పార్టీ అధ్యక్ష పదవిని నందమూరి వారసుల్లో ఒకరికి అప్పగిస్తేనే టీడీపీకి పూర్వవైభవం వస్తుందని అనంతయ్య పేర్కొన్నారు. మరి ఎన్ని వేషాలు వేసి నిరసన తెలిపినా చంద్రాబాబు నుండి ఎటువంటి సమాధానం రావడం లేదు. భంగి కోపానికి కారణం పార్టీలో సరైన పదవి ఇవ్వకపోవడమే అని పలువురు అంటున్నారు.