Posted: 03/24/2012 12:01 PM IST

                                                                                    చిరంజీవి కాంగ్రెస్ పార్టీలో క్రియాశీలకంగా, చురుగ్గా కదిలే సూచనలు కనిపిస్తున్నాయంటున్నారు ఇటీవల కాలంలో  రాజకీయ విశ్లేషకులు. దీనికి  ప్రస్తుత పరిణామాలు ఊతమిస్తున్నాయి. తాజా కాంగ్రెస్ ఎంపీ చిరంజీవి నూతనోత్సాహంతో పార్టీ వ్యవహారాల్లో కథం తొక్కుతున్నారు. వచ్చే ఉప ఎన్నికల్లో 17 స్థానాలతో పాటు తిరుపతిలో కచ్చితంగా గెలుస్తామని ఆయన ధీమా వ్యక్తం చేశారు. అందుకోసం నిర్థిష్ట కార్యాచరణ తో ముందుకు సాగుతామని కూడా చిరు వెల్లడిస్తున్నారు.
          అంతేకాదు,  ఉప ఎన్నికల్లో ఓడిపోవడానికి సీఎం కిరణ్‌కుమార్‌రెడ్డిది తప్పు లేదని రాజ్యసభ సభ్యుడైన చిరు వ్యాఖ్యానించారు.  సీఎం కిరణ్‌కుమార్‌రెడ్డి సమర్థుడు అని, ఆయనపై ఎటువంటి అపోహలు పెట్టుకోవద్దని పేర్కొన్నారు. రాజ్యసభ సీటు వరించిన తర్వాత చిరంజీవి ఇవాళ సోనియాగాంధీని కలిశారు. ఈ సందర్భంగా సోనియాకు ఆయన కృతజ్ఞతలు తెలియజేశారు.
           అనంతరం చిరు మీడియాతో మాట్లాడారు. కాంగ్రెస్ పార్టీ బలోపేతానికి సోనియా కొన్ని సూచనలు చేశారని తెలిపారు. తన వంతు పార్టీ అభివృద్ధికి కృషి చేస్తానని సోనియాకు తెలిపానని చిరు పేర్కొన్నారు. కాంగ్రెస్ పార్టీ మీద ప్రజలకు విశ్వాసం ఉందని, అది ఎన్నటికీ సడలిపోదని చిరు ఆశాభావం వ్యక్తంచేశారు.

...avnk