Posted: 04/08/2012 07:34 PM IST

             సినిమాలతో ప్రేక్షకులను అలరించటమేకాదు.. విద్య, వైద్య, సౌకర్యాలు చేకూర్చటం ద్వారా కూడా దగ్గరవ్వాలని నిర్ణయించుకున్నారు. ప్రముఖ చలన చిత్ర నిర్మాత నట్టికుమార్.  కుల, మత, ప్రాంతీయ భేధం లేకుండా ఆంధ్రప్రదేశ్‌ అంతటా పేదలకు ఆరోగ్య సేవలు చేసేందుకు ‘నట్టికుమార్‌ ఛారిటబుల్‌ ట్రస్ట్‌’ (ఎన్‌.కె.సి.టి) ప్రారంభిస్తున్నామని నిర్మాత నట్టికుమార్‌ హైదరాబాద్‌లో ప్రకటించారు. ఇందుకోసం అంతర్జాతీయ డాక్టర్ల అసోసియేషన్‌తో ఎన్‌.కె.సి.టి టై అప్‌ అవుతున్నామని తెలిపారు.
              ‘రాష్ట్రంలో 600 వరకూ ఆసుపత్రులలో ఈ సేవలు అందుబాటులోకి తెస్తున్నాం. ఎమర్జెన్సీ రోగులకు ప్రారంభం రూ.10వేలు సాయం చేసి లక్ష వరకూ మెడిక్లెయిమ్‌ సదుపాయం కల్పిస్తాం. ఆన్‌లైన్‌ దరఖాస్తు ద్వారా 15రోజుల్లోనే ఈ సేవలు అందుతాయి. హల్త్‌ కేర్‌ సహా పేదవిద్యార్థులకు చదువులు, మధ్యాహ్నభోజన సదుపాయం అందించనున్నాం. వీటి నిధుల కోసం స్వచ్ఛంద సంస్థలు, ఎన్నారైలు, వ్యాపారుల నుంచి అవసరమైన ధనసాయం అందుతుంది. ఎన్‌.కె.థియేటర్స్‌ తరపున కొంతమొత్తాన్ని ట్రస్ట్‌కి కేటాయిస్తున్నాం. ఈ ప్రాసెస్‌ కోసం ఏడాదిపాటు శ్రమించాను’ అన్నారు నట్టికుమార్.
           ఈ సందర్భంగా ఎన్‌.కె.థియేటర్స్‌ తరపున రూ.5లక్షలను డాడి.రామానాయుడు చేతులమీదుగా ట్రస్టుకి జమ చేశారు. రామానాయుడు మాట్లాడుతూ ‘‘ఈ సేవల్లో రామానాయుడు ట్రస్ట్‌ పాలుపంచుకుంటుందని’ అన్నారు.

...avnk