Posted: 04/11/2012 03:25 PM IST

ఇండోనేషియాలో భారీ భూకంపం సంభవించింది. రిక్టర్ స్కేలుపై 8.7 గా నమోదు అయ్యింది. దీని ప్రభావం వల్ల కోస్తా తీర ప్రాంతాల్లో భూమి స్వల్పంగా కంపించింది. ఇండోనేషియాలో భారీ భూకంపం సంభవించింది. భూకంప తీవ్రత రిక్టర్ స్కేల్‌పై 8.9 గా నమోదైంది. భూకంప తీవ్రతకు సుమత్రా దీవి వణికింది. ఇండోనేషియాలో సునామీ హెచ్చరికలు జారీ చేశారు. బందా ఏస్ ప్రాంతానికి 495 కిలోమీటర్ల దూరంలో భూకంపం సంభవించినట్టు యూఎస్ జియోలాజికల్ సర్వే వెల్లడించింది. సముద్రం లోపలి భాగంలో 33 కిలోమీటర్ల అడుగున భూప్రకంపనలు చోటుచేసుకున్నట్టు ఇండోనేషియా వాతావారణ శాఖ వెల్లడించింది. 2004 సంవత్సరంలో సంభవించిన భూకంపం 9.1 నమోదైన సంగతి తెలిసిందే. హిందూ మహాసముద్రంలో సంభవించిన సునామీ సుమారు రెండు లక్షల ముఫ్ఫై వేల మంది మృత్యువాత పడ్డారు.

ఇండోనేషియాలో సంభవించిన భూకంప ప్రమాద ప్రభావం దక్షిణ భారత దేశంలోని ఆంధ్రప్రదేశ్, తమిళనాడులోని కొన్ని ప్రాంతాలలో, అసోంపై కూడా ఉంది. గుంటూరు, విజయవాడ, నెల్లూరు, విశాఖ, విజయనగరం, తాడేపల్లిగూడెం, తిరుపతి, కాకినాడ, అనకాపల్లిలో స్వల్పంగా భూమి కంపించింది. సుమారు 30 సెకన్లపాటు భూమి కంపించినట్టు ప్రత్యక్ష సాక్ష్యులు వెల్లడించారు.

సునామీ హెచ్చరికలు జారీ చేసిన అధికారులు.28 దేశాలకు సునామీ హెచ్చరికలు జారీ చేశారు. సునామి హెచ్చరికలు జారీ చేసిన దేశాలలో భారతదేశం కూడా ఉంది. కోస్తా,తీరప్రాంతాలలో భూప్రకంపనలు సంభవించాయి.విశాఖ,కాకానాడ లో స్వల్పంగా భూమి కంపించింది.పలు ప్రాంతాల్లో ఇళ్ళలోనుంచి ప్రజలు బయటకు పరుగులు తీశారు.విశాఖలో సీతమ్మధార,అక్కాయపాలెం,శాంతిపురం.. పలు చోట్ల ప్రజలు భయంతోబయటికి వచ్చేరు. విజయవాడ,తిరుపతి,నెల్లూరులో కూడా స్వల్పంగా భూమి కంపించింది.భూకంప తీవ్రత రిక్టర్ స్కేల్ పై ఎంత ఉందని తెలియాల్సి ఉంది.