Posted: 04/11/2012 08:48 PM IST

రాష్ట్రంలో సంచలనం కలిగిస్తున్న సెక్స్ రాకెట్ తారా లీలలు ఒక్కొక్కటీ బయట పడుతున్నాయి. పోలీసుల అదుపులో ఉన్న తారా ఒక్కొక్కరి గుట్టు విప్పుతుంది. ఈ తారా తీరంలో విహరించిన వారి వివరాలను చూసి పోలీసులు ఆశ్చర్యపోతున్నారు. తారాకి ఎనిమిది మంది ప్రజాప్రతినిధులు, 11 మంది పోలీసు అధికారులతో సంబంధాలు ఉన్నట్లు పోలీసుల విచారణలో తేలింది. ఇవాళ మరికొంత మంది వీఐపీల బాగోతం బట్టబయలైంది.

బంజారాహిల్స్ ఏసీపీ శంకర్‌రెడ్డి తనను వేధించాడని, తన పట్ల శంకర్‌రెడ్డి అసభ్యంగా ప్రవర్తించడాని న్యాయమూర్తికి తారా చౌదరీ వివరించింది. కొన్ని సీడీలను చూపించి పోలీసులు తనని బ్లాక్‌మెయిల్ చేశారని కోర్టులో వాపోయింది. తన ముందే వీఐపీలకు పోలీసులు ఫోన్ చేసి సెటిల్‌మెంట్ చేసుకున్నారని తారా చౌదరీ ఫిర్యాదు చేసింది. అంతే కాకుండా తారాకు ఇద్దరు సినీ నటులతో సంబంధ ఉన్నట్లు సమాచారం. తారా నివాసంలో స్వాధీనం చేసుకున్న సీడీలను పోలీసులు చూసి ఆశ్చర్యపోయినట్లు తెలుస్తోంది. తారాతో నేతల సరసాలు చూసి పోలీసులు నివ్వెరపోయినట్లు సమాచారం. పోలీసుల చేతిలో కాంగ్రెస్ ఎంపీ, ఆయన కొడుకు రాసలీలల దృశ్యాలు ఉన్నట్లు తెలుస్తోంది.

టీడీపీ ఎమ్మెల్యేతో తారా మధ్య జరిగిన ఒప్పంద పత్రాలు, ప్రామీసరి నోట్‌లు పోలీసులు స్వాధీనం చేసుకున్నారు. కర్నూల్ డీఎస్పీతో పాటు మాజీ పోలీసు ఉన్నతాధికారితో తారా గడిపిన రాసలీలల దృశ్యాలు పోలీసులకు చిక్కినట్లు సమాచారం. తారాకు సాంకేతికంగా సహాయం చేసిన హనీఫ్ కోసం పోలీసులు గాలింపు చర్యలు చేపట్టారు. హనీఫ్ దొరికితే మరింత సమాచారం బయట పడే అవకాశం ఉందని పోలీసులు తెలిపారు. వ్యక్తుల రేంజ్‌ను బట్టి తారా డబ్బులు వసూలు చేసినట్లు సమాచారం. తారాచౌదరి కస్టడీ గురువారానికి పొడిగించారు. మరి తారా ఒక్కొక్కరి గుట్టు విప్పు విప్పుతుండటంతో నాయకుల గుండెల్లో గులుబు మొదలైంది.