Posted: 05/14/2012 01:20 PM IST

ఉప ఎన్నికలు దగ్గర పడతున్న కొద్ది తెలంగాణలో టీఆర్ఎస్ – జేఏసీకి అసలు పడటం లేదు. రోజు రోజుకు వారి మధ్య విభేదాలు తారా స్థాయికి చేరుతున్నాయి. ఈ అవకాశాన్ని ప్రతిపక్ష పార్టీలకు మంచి అవకాశంగామారుతుంది. తెలంగాణ జెఎసి నేత కోదండరామ్ ను టిఆర్ఎస్ అధినేత కె.చంద్రశేఖరరావు ఫెయిల్ అయ్యారని అన్నట్లు కధనాలు రావడంతో తెలుగుదేశం తెలంగాణ ఫోరం మళ్లీ రంగంలోకి వచ్చింది. ఏకంగా

ఇదే అదనుగా భావించిన టి.టిడిపి ఫోరం జెఎసి నుంచి టిఆర్ఎస్ ను బహిష్కరించాలని టిడిపి ఫోరం కన్వీనర్ ఎర్రబెల్లి దయాకరరావు డిమాండ్ చేశారు. పరకాల ఉప ఎన్నిక పేరుతో కెసిఆర్ కోట్లు గడించారని కూడా ఆయన ఆరోపించారు. కెసిఆర్ మోసాన్ని జెఎసి గుర్తించాలని ఆయన అన్నారు. పరకాలలో టిఆర్ఎస్,బిజెపిలకు పట్టులేదని దయాకరరావు కొత్త వాదనను ముందుకు తీసుకువచ్చారు. కాగా ఉప ఎన్నికల తర్వాత తెలుగుదేశం అధినేత చంద్రబాబు నాయుడు తెలంగాణపై మరింత స్పష్టత ఇస్తారని ఆయన అన్నారు. అంటే తెలంగాణకు సానుకూలత వ్యక్తం చేస్తూ చంద్రబాబు మాట్లాడారన్న అబిప్రాయాన్ని దయాకరరావు కలిగిస్తున్నారు.. మరి జేఏసీ ఏ నిర్ణయం తీసుకోబోతుందో చూడాలి.