Posted: 07/20/2012 10:53 AM IST

భారత్ సహా విదేశాలకు వెళ్లే పౌరులకు అమెరికా ప్రభుత్వం తాజాగా కొన్ని హెచ్చరికలు, సూచనలు చేసింది. యూరప్, ఆసియా, ఆఫ్రికా దేశాల్లో అమెరికా పౌరులే లక్ష్యంగా తీవ్ర, ఉగ్రవాద దాడులు జరిగే అవకాశాలున్నాయని, ప్రయాణికులు తగిన జాగ్రత్తలు తీసుకోవాలని హెచ్చరికలో పేర్కొంది. భారత్ సహా వివిధ దేశాల్లో ఇప్పటికే వరుస దాడులు జరిగిన విషయాన్ని ఈ సందర్భంగా ఉటంకించింది. ఆయా దాడుల్లో అమెరికా పౌరులు ప్రత్యక్షంగానో, పరోక్షంగానో దెబ్బతిన్న విషయాన్ని పేర్కొంది. పశ్చిమ దేశాలపై కన్నేసిన కొన్ని ఇస్లామిస్ట్ ఉగ్రవాద సంస్థలు హర్కతుల్ జిహాదీ ఇస్లామీ, హర్కతుల్ ముజాహిదీన్, ఇండియన్ ముజాహిదీన్, జైషే మొహమ్మద్, లష్కరే తోయిబా వంటివి అమెరికా పౌరులు లక్ష్యంగా దాడులు జరిపే అవకాశాలున్నాయని పేర్కొంది.