Posted: 08/01/2012 12:38 PM IST

రాజమౌళి సినిమా లో ఈగ మనిషి పై  పగబట్టి చంపటం  మనం చూసాం. అది సినిమా కాబట్టి సరిపోయింది.  అదే జీవితం లో కూడా ఇలా జరుగుతుందని  ఒక ఎద్దు చూపించింది. తనపై వేడినీటిని పోసి హింసించిన వ్యక్తిపై ఓ ఎద్దు పగపట్టింది. గుర్తుంపెట్టుకొని మరీ కుమ్మి చంపేసింది. ఈ వింత ఘటన మధ్యప్రదేశ్‌లో చోటు చేసుకుంది. దేవ్రీ గ్రామంలో నివసిస్తున్న భూప్‌నారాయణ్ ప్రజాపతి అనే 65 ఏళ్ల వృద్ధుడు తన ఇంటి దగ్గరకు వచ్చిన ఎద్దుపై వేడినీటిని పోశాడు. దీంతో ఎద్దు ప్రజాపతిపై పగపట్టింది. అతడి వెనకే ఇంట్లోకి వెళ్లి తన కొమ్ములతో పొడిచి తీవ్రంగా గాయపరిచింది. ఇరుగుపొరుగు వారు వచ్చి గాయపడ్డ ప్రజాపతిని ఆస్పత్రికి తరలించగా, పగపట్టిన ఎద్దు.. వారిని అనుసరిస్తూ అక్కడికి కూడా చేరింది. ప్రజాపతి మరణించాడని ఆస్పత్రి వర్గాలు ప్రకటించారు. చివరికి ప్రజాపతి అంత్యక్రియలు జరుగుతున్న స్మశానానికి కూడా ఆ ఎద్దు వెళ్లడం విశేషం.