Posted: 11/29/2012 09:23 AM IST

సోనియాగాంధీ అల్లుడు రాబర్ట్‌ వాద్రా భూమి లావాదేవీల పై మీడియాలో వచ్చిన వార్తల పై దర్యాప్తు జరిపేందుకు ఆదేశించవలసిందిగా కోరుతూ స్థానిక కార్యకర్త నూతన్‌ ఠాకూర్‌ పిటిషన్‌ దాఖలు చేసిన విషయం తెలిసిందే. అయితే దీనిపై పీఎంఓ కార్యాలయం స్పందిస్తూ, రియల్‌ ఎస్టేట్‌ దిగ్గజం డిఎల్‌ఎఫ్‌కు రాబర్ట్ వాద్రాకి అక్రమ లావాదేవీలు ఉన్నట్లు కనిపించడంలేని, వాద్రా పై ఈ వార్తల్లో నిజం లేనట్లు కనిపిస్తుందని ప్రధానమంత్రి కార్యాలయం తెలిపింది. ఠాకూర్ మీడియాలో వచ్చిన వార్తల ఆధారంగానే పిటీషన్ వేశాడని కూడా తెలిపింది. ఠాకూర్ పిటీషన్ ఏమైనా అభ్యంతరాలు ఉంటే తెలియజేయమని లక్నో డివిజన్‌ బెంచి కేంద్రానికి నోటీసులు ఇవ్వడంతో పిఎంఓ అఫిడవిట్‌ దాఖలు చే యాల్సి వచ్చింది. ఈ అఫిడవిట్ లో ఈ లావాదేవీలు పూర్తిగా వ్యాపార పరంగా జరిగాయని, ఆరోపణల్ని వాద్రా, డిఎల్‌ఎఫ్‌ కూడా ఖం డించారని పిఎంఓ తన అఫిడవిట్‌లో పేర్కొంది. మరి ఇందులో నిజా నిజాలు తెలియాలంటే పూర్తి విచారణ జరిగి, తీర్పు వచ్చేవరకు ఆగాల్సిందే.