Posted: 12/12/2012 09:14 AM IST

వెనెజులా అధ్యక్షుడు హ్యూగో చావెజ్ మరణశయ్య పై ఉన్నాడు. గత సంవత్సరం కేన్సర్ బారిన పడిన ఈయన ఇంకో రెండు మూడు నెలలకు మించి బతికే అవకాశాలు లేవని ఆయనకు గత కొన్ని రోజుల నుండి వైద్యం చేస్తున్న వ్యక్తిగత వైద్యుడు జోస్ రఫేల్ మార్క్వినా తెలిపారు. కేన్సర్ శస్త్రచికిత్స కోసం చావెజ్ మంగళవారం క్యూబాకు మళ్లీ వచ్చారు. ఇది ఆయనకు మూడో ఆపరేషన్. కేన్సర్ మరింత ముదరడంతో అంతిమదశకు చేరుకొన్నారని వైద్యులు ప్రకటించారు. క్యూబా బయల్దేరే ముందు చావెజ్.. తన వారసునిగా ఉపాధ్యక్షుడు నికొలస్ మాడురోను ప్రకటించారు. ఎటువంటి రాజకీయ కుట్రలకు పాల్పడొద్దని తన సహచరులకు చావెజ్ గట్టి హెచ్చరిక జారీ చేశారు. ఈయన త్వరలో మరణిస్తాడని తెలుసుకున్న ఆయన అభిమానులు దు:ఖంలో మునిగిపోయారు.