Posted: 12/15/2012 03:13 PM IST

టీఆర్ఎస్ పార్టీ ఎమ్మెల్యే కేటిఆర్  అన్ని పార్టీల నాయకులను డిమాండ్ చేస్తున్నాడు.  డిసెంబర్  28న జరిగే అఖిల పక్ష సమావేశంలో అన్ని రాజకీయ పార్టీలు  తెలంగాణకు అనుకూలంగా  తమ అభిప్రాయం చెప్పాలని  కేసిఆర్ కొడుకు కేటిఆర్ కోరారు.  ఒక వేళ  అఖిల పక్ష సమావేశంలో  అన్ని పార్టీలు  తెలంగాణకు అనుకూలంగా చెప్పకపోతే.   ఆయా పార్టీలు  తెలంగాణలో  చేపడుతున్న  పాదయాత్ర.. పరుగు యాత్రగా  మారుతుందని  కేటిఆర్  రాజకీయ పార్టీలకు హెచ్చరికలు జారీ చేశాడు. అంతేకాకుండా కేటిఆర్  రాష్ట్ర గవర్నర్ పై విరుచుకు పడ్డారు. రాష్ట్ర గవర్నర్  నరసింహన్  రాజ్యాంగానికి  లోబడి పనిచేయకపోవడం  చాలా దారుణమైన విషయంగా కేటిఆర్ అంటున్నారు.   ఒక రాజకీయ పార్టీ ఎమ్మెల్యే మిగత రాజకీయ పార్టీలను హెచ్చరించటంపై రాజకీయ నాయకులు  మండిపడుతున్నారు. అయితే ఇలాంటి సమయంలో  తెలంగాణ ప్రాంత మంత్రులు  గాంధీభవన్ లో  పీసీసీ అధినేత బొత్స  సత్యనారాయణతో భేటీ అయ్యారు.  ఈ నెల 28న జరిగే  అఖిల పక్ష బేటీలో  కాంగ్రెస్ పార్టీ తరపున తెలంగాణకు  అనుకూలంగా  అభిప్రాయం  చెప్పాలని మంత్రులు కోరారు.  బొత్స భేటీ అయిన మంత్రులు జానారెడ్డి, గీతారెడ్డి, శ్రీధర్ బాబు, సుదర్శన్ రెడ్డి, బస్వరాజు  సారయ్య తదితరులు ఉన్నారు.  బొత్స మంత్రులతో  సానుకూలంగానే స్పందించినట్లు తెలుస్తోంది.