Posted: 01/02/2013 09:07 AM IST

ఎంతో ఆనందంగా చేసుకోవలసిన నూతన సంవత్సర వేడుకలు ఆ దేశంలో పెద్ద విషాదాన్నే మిగిల్చాయి. ఆఫ్రికాదేశమైన ఐవరి కోస్టులో కొత్త సంవత్సర వేడుకలలో జరిగిన తొక్కిసలాటలో అరవైమందికి పైగా మరణించగా, మరో రెండు వందల మంది మరణించడం విషాదం.  అబిద్జాన్ నగరంలో బాణసంచా కాలుస్తుండగా ఈ తొక్కిసలాట జరిగింది.. వారిలో ఎక్కువగా చిన్నారులే ఉన్నారు. పెద్ద సంఖ్యలో జనం స్టేడియం ప్రధాన ద్వారంవైపు పరుగులు పెట్టడంతో బయటపడలేక పలువురు తొక్కిసలాటలో నలిగిపోయారు. దీంతో ఆ దేశంలో విషాద చాయలు అమలుకున్నాయి. ప్రపంచవ్యాప్తంగా ప్రతి సంవత్సరం తొలి రోజు వేడుకలలో ఎక్కడో చోట ఇలాంటి ప్రమాదాలు జరుగుతూనే ఉన్నాయి. ఎన్ని అనుభవాలు ఉన్నా , ఇలాంటి ప్రమాదాలను అరికట్టలేకపోవడం విచారకరం. ఇప్పటికైనా ఇలాంటివి జరగకుండా తగిన చర్యలు తీసుకోవాల్సిందిగా ప్రజలు కోరుతున్నారు.