Posted: 03/23/2013 08:24 AM IST

ఈరోజు శాసన సభకు తెలుగు దేశం పార్టీ కాలినడకన వచ్చి తమ నిరసనను తెలియజేస్తున్నాయి.  నిన్న తెలంగాణా రాష్ట్ర సమితి అదే పని చేసింది.  

విద్యుత్ కొరత మీద చర్చించటానికి ప్రభుత్వం ముందుకు రావటం లేదని, ఏదో ఒక మిష మీద సభను వాయిదా వేస్తూ విషయాన్ని దాటవేస్తున్నదని తెలుగు దేశం పార్టీ సభ్యలు ఈ రోజు పాలక పక్షం మీద తమ ఆగ్రహాన్ని తెలియజేయటానికి నిర్ణయించుకుంది.  ఈ పాద యాత్ర ఎన్టీఆర్ ఘాట్ నుంచి శాసన సభ వరకు సాగుతుంది.  

శాసన సభలో తమకు అగౌరవం జరిగిందంటూ గాలి ముద్దు కృష్ణమ నాయుడు మండిపడ్డారు.  విద్యుత్ కొరత మీద చర్చించటానికి నిరసన చేపట్టిన తమకు శాసన సభలో జరిగిన అవమానానికి సభాపతి సమాధానం చెప్పాలంటూ ఆయన తన ఆగ్రహాన్ని వ్యక్తపరచారు.  అదే కోపంలో ఆయన ప్రభుత్వాన్ని తూలనాడుతూ, కాంగ్రెస్ ప్రభుత్వమే విద్యుత్ కొరతకు కారణమని, బొగ్గు, గ్యాస్, విద్యుత్ కేటాయింపులను కేంద్రం నుంచి పొందలేని దద్దమ్మలంటూ కాంగ్రెస్ నాయకులను ఆయన విమర్శించారు.

ఏది ఏమైనా, కాలినడకలు, నిరాహార దీక్షలు నాయకులకు మంచే చేస్తాయి.  శరీరం ఎప్పుడైతే తేలికవుతుందో, మనసు కూడా తేలికపడుతుందని, ఆ తర్వాత సమతౌల్యమౌతుందని యోగశాస్త్రం చెప్తుంది.

-శ్రీజ