Posted: 03/26/2013 08:18 PM IST

ప్రముఖ నటి సుకుమారి (74) కన్నుమూసారు. సుకుమారి గత కొంతకాలంగా అనారోగ్యంతో బాధపడుతున్నారు.  ఈమె ప్రముఖ దర్శకులు భీంసింగ్ సతీమణి. ఈమెను రెండు రోజుల కిందట  తమిళనాడు ముఖ్యమంత్రి జయలలిత  పరామర్శించారు. ఆమె కుమారుడు డాక్టరు సురేష్  భీంసింగ్. ఈమె తన పదో ఏట నుంచే  నట ప్రస్థానం  ప్రారంభించారు. ఆమె మళయాళం, తమిళం, తెలుగు, ఒడిశా, బెంగాల్‌ భాషల్లో సుమారు 2500 చిత్రాల్లో నటించారు. తెలుగులో నిర్ణయం, మాంగల్యబలం చిత్రాల్లో నటించారు. మురారి చిత్రంలో మహేష్‌బాబు బామ్మగా నటించారు. 2003లో ప్రభుత్వం ఆమెను పద్మశ్రీ అవార్డుతో సత్కరించింది. 2010లో జాతీయ ఉత్తమ సహాయ నటిగా అవార్డు పొందారు.  ఈమె  కొంతకాలంగా అనారోగ్యంతో  బాధపడుతు ఆస్పత్రిలో  చికిత్స పొందుతున్నారు.  అయితే  ఆకస్మాత్తుగా గుండెపోటు  రావడంతో  ఈవాళ  సాయంత్రం  ఆమె తుది శ్వాస విడిచారు.