టి.బిల్లును భోగి మంటల్లో బూడిద చేశారు

Posted: 01/13/2014 09:31 AM IST

 

 

 

ఏపీ ఎన్జీఓలు అన్నంత పని చేశారు. రాష్ట్ర విభజనకు సంబంధించిన ముసాదా బిల్లును భోగి పండగ రోజున మంటల్లో వేస్తామని చెప్పిన ఎన్జీవోలు నిజంగానే భోగి మంటల్లో వేసి తన నిరసనను తెలిపారు. ప్రకాశం జిల్లా ఒంగోలులో నిర్వహించిన విభజన బిల్లు దగ్ధం కార్యక్రమంలో ఏపీ ఎన్జీవో అధ్యక్షుడు అశోక్ బాబు ఆధ్వర్యంలో పీపీఆర్ గ్రౌండ్స్ లో నిర్వహించిన తెలంగాణ బిల్లు దగ్ధం కార్యక్రమం నిర్వహించారు.

సీమాంధ్ర ప్రజల మనోభావాలను దెబ్బతీస్తూ కేంద్రం తెచ్చిన తెలంగాణ బిల్లు అగ్నికి ఆహుతి అయింది. ఈ కార్యక్రమంలో పెద్ద సంఖ్యలో ఏపీ ఎన్జీవో నేతలు, వివిధ పార్టీల నాయకులు పాల్గొన్నారు. దేశంలోనే తొలి భాష ప్రయుక్త రాష్ట్రమైన ఆంధ్రప్రదేశ్ను కేంద్ర ప్రభుత్వం ఏకపక్షంగా విభజించిందన్నారు. రాష్ట్ర విభజన ఆగే వరకు తమ పోరాటం జరుగుతుందని ఈ సందర్భంగా తెలిపారు.