జివోఎమ్ ఆమోదించిన బిల్లు 7 న పార్లమెంటు లో

Posted: 02/04/2014 05:47 PM IST

ఈరోజు మధ్యాహ్నం జరిగిన యుపిఏ మంత్రుల బృందం సమావేశంలో తెలంగాణా బిల్లుని ఆమోదించటం జరిగింది. 

ఈ నెల 7 న పార్లమెంటులో ప్రవేశపెట్టటానికి అవకాశమున్న రాష్ట్ర పునర్విభజన బిల్లు మీద చర్చలో మంత్రుల బృందంతో పాటు సీమాంధ్ర నేతలు పురంధేశ్వరి, కిల్లి కృపారాణి, కావూరి సాంబశివరావు హాజరయ్యారు. 

చర్చల ఫలితంగా సవరణలు చేసిన సభ్యులు దానిమీద ఆమోద ముద్ర వేసారు.  ప్రతిపాదించిన సవరణలు ఇవి-

1. సీమాంధ్ర రాజధాని నిర్మాణం కోసం తొలివిడతగా రూ.10000 కోట్లు మంజూరు చెయ్యాలి.
2. భద్రాచలం పట్టణాన్ని మినహాయించి ఆ డివిజన్ లోని ప్రాంతాన్నంతా సీమాంధ్రలో కలపాలి.
3. రాయలసీమకు ప్రత్యేక ప్యాకేజి ఉండాలి
4. కొత్త రాష్ట్రానికి పదేళ్ళపాటు పన్నుల మినహాయింపు ఉండాలి.

-శ్రీజ