ఇరు ప్రాంతాల అభివృద్ధికి ఎన్టీఆర్ ఆశీస్సులు

Posted: 05/17/2014 11:51 AM IST

సీమాంధ్రలో 175 శాసనసభ స్థానాల్లో 106 స్థానాలలో అఖండ విజయం సాధించిన తెలుగు దేశం పార్టీ అధ్యక్షుడు చంద్ర బాబు నాయుడు ఈ సందర్భంగా కుటుంబ సభ్యులతో కలిసి ఎన్టీఆర్ ఘాట్ వద్ద తెదేపా వ్యవస్థాపకుడు ఎన్ టి రామారావుకు నివాళులర్పించారు.  

తెలుగువారి అభివృద్ధికోసమే ఎన్టీఆర్ అహర్నిశలూ పరితపించారని, రాష్ట్రం విడిపోయినా తెలుగువారంతా ఒకటేనని, ఇరు ప్రాంతాల అభివృద్ధినీ తాను కోరుకుంటున్నానని అన్నారు.  అధికారం చేతిలో ఉంది కదా అని పేట్రేగిన పార్టీ గతి ఏమయిందో చూసారు కదా అన్నారాయన కాంగ్రెస్ పార్టీని ఉద్దేశిస్తూ.  అటు తెలంగాణాలోనూ నాయకులంతా ఓటమిని చవిచూసారు, ఇటు సీమాంధ్రలో ఒక్కటంటే ఒక్క స్థానాన్నీ గెలుచుకోలేకపాయారు.  

దివంగత నేత ఎన్టీఆర్ కి నివాళులు అర్పించటమే కాకుండా, తెలంగాణాను సామాజిక తెలంగాణా, బంగారు తెలంగాణాగాను, సీమాంధ్రను స్వర్ణాంధ్రగానూ తయారుచేసేందుకు ఎన్టీఆర్ ఆశీస్సులు కోరటం కోసం వచ్చానని చంద్రబాబు నాయుడు ఈ సందర్భంగా అన్నారు.

-శ్రీజ