కేంద్రరైల్వేమంత్రి సదానంద కుమారుడు కార్తీక్ గౌడ్ పరార్!

Posted: 09/02/2014 11:54 AM IST

(Image source from: central minister sadananda gowda son karthik gowda escaped)

ప్రేమపేరుతో తనను లొంగదీసుకుని మోసం చేశాడంటూ కన్నడ నటి మైత్రేయి గౌడ ప్రస్తుతం కేంద్రరైల్వేమంత్రి సదానంద కుమారుడు కార్తీక్ గౌడపై ఫిర్యాదు చేసిన విషయం తెలిసిందే! దీంతో బెంగుళూరు ఆర్టీనగర్ పోలీసులు అతనిపై 420 కేసు నమోదు చేశారు. ఈ క్రమంలోనే వారు కార్తీక్ వెంటనే లొంగిపోవాల్సిందిగా సోమవారంనాడు అల్టిమేటం జారీ చేశారు. బుధవారంలోగా తాను స్వయంగా వచ్చి లొంగిపోకపోతే బలవంతంగా అరెస్ట్ చేయాల్సి వస్తుందని తీవ్రంగా హెచ్చరికలు జారీ చేశారు కూడా!

తాను లొంగిపోవాల్సిందిగా కార్తీక్ కు పోలీసులు అదేరోజు (సోమవారం) నోటీసులు పంపించినప్పటికీ.. అతడు ఎటువంటి సమాధానం ఇవ్వకుండా అడ్రస్ లేకుండా పోయాడు. అంతేకాదు.. ముందస్తు బెయిల్ కోసం కోర్టును కూడా ఆశ్రయించాడు. దీంతో ఇతడు ఆ అమ్మాయిని నిజంగానే మోసం చేశాడంటూ అనుమానాలు దాదాపు పూర్తిగా నిజమవుతున్నట్లు పోలీసులు చెబుతున్నారు.ప్రేమపేరుతో మొదట తనను పెళ్లి చేసుకుని, కోరికలన్నీ తీరిపోయిన తర్వాత వేరే యువతితో నిశ్చితార్థం చేసుకుంటున్నాడంటూ మైత్రేయి ఇచ్చిన ఫిర్యాదును మొదట పోలీసులు ఖంగుతిన్నారు. అయితే ఒక నటి అది కూడా బహిరంగంగా ఇలా తన ఆవేదనను వ్యక్తపరచడాన్ని చూసిన పోలీసులు మొదట క్లారిఫికేషన్ కోసం ఆమెను వైద్యపరీక్షల కోసం పంపిచారు.

అనంతరం కార్తీక్ కేంద్రమంత్రి కొడుకు కావడంవల్ల ఎన్నో తర్జనభర్జనల మధ్య విచారణలు జరిపిన తర్వాత చివరికి పోలీసులు అతడిపై 420 కేసును నమోదు చేశారు. అయితే అతనుమాత్రం ఎవ్వరికీ తెలియకుండా ఎక్కడికో చెక్కేశాడు. ఈ కేసుపై విచారణ ఈవారంలోనే జరగనుంది. దీంతో ఈ లోపలే అతడిని కస్టడీలోకి తీసుకుని విచారణ చేయాలన్న ఆలోచనలతో పోలీసులు తాజాగా అతను లొంగిపోవాల్సిందిగ తీవ్ర హెచ్చరికలు జారీ చేసింది.