దెబ్బ తగిలిన వారికే.. నొప్పి తెలుస్తుందనా..

Posted: 09/25/2014 01:17 PM IST

Congress appoints telugu leaders as maharastra assembly poll observers

దెబ్బ తగిలిన వాడికే నొప్పి తెలుస్తుందన్నట్లు.. ఇటీవలి సార్వత్రిక ఎన్నికలలో ఓటమి పాలైన నేతలకే గెలుపుపై కసి పెరుగుతుందని కాంగ్రెస్ గ్రహించిందనుకుంటా.. అందుకనే మన తెలుగు నేతలను మహారాష్ట్ర అసెంబ్లీ ఎన్నికలకు పరిశీలకులుగా పంపుతుంది. మహారాష్ట్ర శాసనసభ ఎన్నికల పరిశీలకులుగా ఆంధ్రప్రదేశ్, తెలంగాణ రాష్ట్రాలకు చెందిన పలువురు సీనియర్ నేతలను ఎంపిక చేసినట్లు ఏఐసీసీ వెల్లడించింది.

తెలంగాణ నుంచి ఆ పార్టీ రాజ్యసభ సభ్యుడు రాపోలు ఆనంద భాస్కర్, మాజీ ఎంపీలు వివేక్, మధుయాష్కీ, పొన్నం ప్రభాకర్లను ఎంపిక చేసినట్లు తెలిపింది. అలాగే ఆంధ్రప్రదేశ్ నుంచి కేంద్ర మాజీ మంత్రులు కోట్ల సూర్య ప్రకాశ్ రెడ్డి, కిల్లి కృపారాణి, కిషోర్ చంద్రదేవ్, పళ్లంరాజు లతో పాటు మాజీ ఎంపీ బోత్స ఝాన్సీలను ఎంపిక చేసినట్లు ఏఐసీసీ ప్రకటించింది.

ఇటీవల ఎన్నికలలో తామెందుకు ఓటమిపాలయ్యారు ఈ నేతలకు బాగా తెలుస్తుంది కనుకనే వారిని పరిశీలకులుగా నియమిస్తే.. వారి సమర్పించే నివేదిక కరెక్టుగా ఉంటుందని పార్టీ భావిస్తోందా అంటే అవుననే చెప్పాలి. పేరుకు మాత్రం పోరుగు రాష్ట్రం కాబ్బట్టే తెలుగు నేతలను నియమిస్తున్నామని చెబుతున్నప్పటికీ ఇదే కారణం కావచ్చన్న వార్తలు వినబడుతున్నాయి. గత సార్వత్రిక ఎన్నికలలో ఓటమికి కారణాలు తెలిసిన సీనియర్ నేతలను నియమించడంతో.. వారు పార్టీ గెలుపుకు కారణాలను పార్టీ అభ్యర్థులకు విశ్లేషించే అవకాశమూ లేకపోలేదన్న హితం కూడా దాగి వుందిట.

288 మంది సభ్యులు గల మహారాష్ట్ర శాసనసభకు అక్టోబర్ 15న ఎన్నికలు జరగనున్నాయి. ఈ ఎన్నికలలో కేవలం 119 స్థానాలలోనే పోటీ చేయనున్న కాంగ్రెస్ తమ పార్టీ తరపున పరిశీలకులును నియమించింది. మిగిలిన స్థానాలను మిత్రపక్షం నేషనల్ కార్ఫరెన్స్ పార్టీకి కేటాయించింది. అన్ని రాజకీయా పార్టీలు మహారాష్ట్రలో అధికారాన్ని కైవసం చేసుకోవాలని చూస్తున్నాయి.

జి మనోహర్