https://mail.teluguwishesh.com/
హుద్ హదు్ తుఫానుతో ఏపీ తీవ్రంగా నష్టపోయింది. ఈ నష్టం విలువ దాదాపు రూ.60వేల కోట్ల నుంచి రూ.70వేల కోట్ల వరకు ఉంటుందని అంచనా వేస్తున్నారు. ఈ నష్టంను భర్తీ చేసి... తిరిగి సాధారణ పరిస్థితులు నెలకొనేందుకు మూడేళ్లకంటే ఎక్కువ సమయమే పడుతుందని చెప్పాలి. ఎందుకంటే ప్రస్తుతం రాష్ర్ట ప్రభుత్వం వద్ద అంత బడ్జెట్ లేదు. అదేకాకుండా పెద్ద మొత్తం డబ్బులను కేంద్రం ఒకేసారి విడుదల చేయలేదు. కాబట్టి దశలవారిగా మరమ్మత్తులు, పునర్నిర్మాణాలు జరుగుతాయని ప్రభుత్వ వర్గాలు చెప్తున్నాయి.
‘హుద్ హుద్’ తుఫానుతో గుణపాఠం నేర్చుకున్న ప్రభుత్వం భవిష్యత్తులో మరోసారి ఇలాంటి విపత్తు వచ్చినా తట్టుకుని నిలవటంపై దృష్టి పెట్టింది. తుఫానులు వచ్చినపుడు బలమైన ఈదురుగాలులు వీచి విద్యుత్ స్తంభాలు నేలకొరుగుతున్నాయి. దీనికి బదులు భూగర్బ లైన్ ద్వారా విద్యుత్ అందిస్తామని చంద్రబాబు చెప్తున్నారు. అటు చెట్లు నేలకొరగటంతో పాటు.., నగర అందాలు చాలావరకు దెబ్బతిన్నాయి. వీటి స్థానంలో వేగంగా పెరిగే.., బలంగా ఉండే చెట్లను పెంచుతామని చెప్తున్నారు.
రోడ్లు, టెలిఫోన్, ఇతర కమ్యునికేషన్ రంగాలను కూడా సుస్థిరంగా, సురక్షితంగా ఉండేలా చర్యలు తీసుకుంటామని చెప్తున్నారు. త్వరలోనే అన్ని రంగాలను గాడిలో పెట్టి.., విపత్తు వల్ల కలిగిన నష్ట నివారణ చర్యలను వేగవంతం చేస్తామని అంటున్నారు. ఈ సందర్బంగా భవన నిర్మాణాలు, ఇతర అంశాలపై పలువురు నిపుణులు ఏపీ ప్రభుత్వానికి సలహాలు ఇస్తున్నారు. ముఖ్యంగా భవన నిర్మాణాల విషయానికి వస్తే.., జర్మనీ టెక్నాలజీతో నిర్మిస్తే ధృడంగా ఉండి విపత్తులను తట్టుకుంటాయని సలహా ఇస్తున్నారు.
ఉదాహరణకు విశాఖలోని నోవాటెల్ హోటల్ నే తీసుకుంటే... ఇది పూర్తిగా జర్మనీ టెక్నాలజీతో నిర్మించబడింది. దీనిలోని ప్రతి గదీ.., పూర్తి భవనం నిర్మాణం విషయంలో జర్మనీ నిపుణుల సలహాల ప్రకారం కట్టడం జరిగింది. అందువల్లే సముద్రతీరానికి కిలోమీటర్ల దూరంలోని ఇండ్లు కుప్పకూలి.., భవనాలు ద్వంసమైనా.., బీచ్ సమీపంలో ఉన్న నోవాటెల్ భారీ భవనం మాత్రం చెక్కుచెదరలేదు. కాబట్టి నిర్మాణం విషయంలో ఇలాంటి చర్యలు చేపడితే భవిష్యత్తులో సునామి వచ్చినా సురక్షితంగా ఉంటాయని చెప్తున్నారు.
దీనికి తోడు భూగర్ప లైన్లను వేసే సమయంలో వాటిలో లోపాలు వస్తే తరుచు తవ్వకాలు జరపకుండా.. డ్రైనేజి మ్యాన్ హోల్స్ మాదిరిగా.. అక్కడక్కడా విద్యుత్ లైన్లకు కూడా మార్గాలు ఉండాలని సూచిస్తున్నారు. ఇదే సమయంలో రక్షణ చర్యలు పకడ్బందీగా చేపట్టాలని కోరుతున్నారు. ఇక బీచ్ సమీపంలో భవనాల నిర్మాణం.. ఇతర చోట్ల నిర్మాణాల్లో జరుగుతున్న నిబంధనల ఉల్లంఘనలపై కఠినంగా వ్యవహరిస్తే భవిష్యత్తులో ముప్పును తగ్గించవచ్చు అని చెప్తున్నారు. వీటికి తోడు టెక్నాలజిని మరింత ఉపయోగించుకుని అందరూ అప్రమత్తంగా ఉంటే ప్రకృతి దాడుల నుంచి తప్పించుకోవచ్చు.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
