‘ఆధార్’ పడనివాళ్లపై ఒత్తిడి తీసుకురాకండీ..

Posted: 03/16/2015 09:43 PM IST

ఆధార్ కార్డు అంశంపై గతంలో తామిచ్చిన ఆదేశాలకు మాత్రమే కేంద్ర ప్రభుత్వం కట్టుబడాలని దేశ సర్వోన్నత న్యాయస్థానం సుప్రీంకోర్టు మరోమారు కేంద్రానికి తాజాగా ఆదేశాలు జారీ చేసింది. ఆధార్ కార్డులకు ప్రభుత్వ సంక్షేమ పథకాలకు లింకు పెట్టకూడదని గతంలో అదేశాలు జారీ చేసిన సుప్రీంకోర్టు.. ఈ విషయానికి సంబంధించి.. ప్రజలపై ఒత్తిడి తీసుకురావడం మానుకోవాలని  కేంద్ర, రాష్ట్ర ప్రభుత్వాలను అత్యున్నత న్యాయస్థానం సుప్రీం ఆదేశించింది. సామాజిక, భద్రత పథకాలకు ఆధార్ కార్డు తప్పనసరి కాదని సుప్రీం మరోమారు సృష్టం చేసింది.
 
కేంద్ర, రాష్ట్ర ప్రభుత్వాలు ఆధార్ తో ప్రభుత్వ సంక్షేమ పథకాలను అనుసంధానం చేసి.. ఆధార్ వుంటేనే పథకాలు వర్తింపజేసే విధంగా చర్యలు తీసుకోవడంపై కోర్టు ఈ సూచనలు మరోమారు జారీ చేసింది. గతేడాది ఇదే తరహా ఆదేశాలను సుప్రీం ఇచ్చినా.. వాటిని ప్రభుత్వాలు పక్కకు పెట్టి ప్రతీ పథకానికి ఆధార్ ను లింక్ చేస్తున్న సంగతి తెలిసిందే. దీనిపై దాఖలైన పిటిషన్ పై సోమవారం విచారణకు స్వీకరించిన సుప్రీంకోర్టు మరోమారు తాజాగా అదేశాలను జారీ చేస్తూ.. కేంద్ర ప్రభుత్వాలకు సూచనలను జారీ చేసింది.

జి మనోహర్