భారీ స్కోరు దిశగా అసీస్..తగ్గని రన్ రేట్.. దక్కని వికెట్లు..

Posted: 03/26/2015 10:07 AM IST

Australia batting steadily against india

ప్రపంచ క్రికెట్ కప్ టోర్నమెంటులో భాగంగా సిడ్నీ వేదికగా టీమిండియాతో జరుగుతున్న మ్యాచ్ లో అతిధ్య జట్టు అస్ట్రేలియా భారత బౌలర్లపై ముచ్చమటలు పట్టిస్తున్నారు. మూడో ఓవర్లో లభించిన వార్నర్ వికెట్ తప్ప 20 ఓవర్లు దాటినా మరో వికెట్ ను చేజిక్కించుకోలేక పోయారు. దీంతో స్మిత్, ఫించ్ మధ్య సుమారుగా 100 పరుగులకు చేరుకుంది. అటు మరో వైపు ఫించ్ కూడా హాఫ్ సెంచరీకి చేరువలో వున్నాడు. ధీటైన బ్యాలింగ్ లైన్ అప్ వున్న అసీస్.. మరోవైపు రన్ రేట్ ను కూడా క్రమంగా 5.5 నుంచి ఆపైనే నమోదు చేసుకుంటూ పరుగులు సాధిస్తున్నారు. ఇప్పటికే స్మీత్ అర్థ సెంచరీని పూర్తి చేయగా, అటు ఫించ్ కూడా చేరువలో వున్నాడు, 10 ఓవర్ లో అసీస్ బ్యాట్స్ మెన్ స్మిత్ ఒకే ఓవర్ లో నాలుగు ఫోర్లు బాది పదహారు పరుగులను రాబట్టారు. దీంతో 14 ఓవర్ నుంచే కెప్టెన్ మహేంద్ర సింగ్ ధోణి స్పిన్నర్ లను రంగంలోకి దింపాడు. స్మిత్ ఆరు ఫోర్ల, ఒక సిక్స్ సాయంతో 62 బంతులను ఎదుర్కోని 66 పరుగులు సాధించగా, ఫించ్ 80 బంతులను ఎదుర్కోని నాలుగు ఫోర్ సాయంతో 47 పరుగులు సాధించాడు.

అంతకుముందు మూడో ఓవర్ లో ఉమేశ్ యాదవ్ బౌలింగ్‌లో మిడిల్ స్టంప్ మీద సంధించిన రైసింగ్ డెలివరీని వార్నర్ లెగ్‌సైడ్ ఆడటానికి ప్రయత్నించగా బ్యాట్ ఎడ్జ్‌కి తాకి ఆఫ్ సైడ్‌లో ఫీల్డింగ్ చేస్తున్న విరాట్ కోహ్లి చేతుల్లోకి సులభమైన క్యాచ్ రూపంలో వెళ్లింది. దీంతో ఆసీస్ తొలి వికెట్ కోల్పోయింది. యాదవ్ మొదటి ఓవర్‌లో ఒక సిక్స్, ఒక బౌండరీ ఇచ్చాడు. రెండో ఓవర్‌లో మొదటి బంతికే వికెట్ తీయటంతో భారత్ వూపిరి పీల్చుకుంది. వికెట్ల వద్ద కుదురుకుంటే విధ్వంసం సృష్టించే వార్నర్ ఔట్ కావటం భారత్‌కు శుభపరిణామం. ప్రపంచకప్‌లో వార్నర్ పెద్దగా ప్రభావం చూపలేకపోతున్నాడు. వార్నర్ స్థానంలో ఫామ్‌లో ఉన్న స్మిత్ బ్యాటింగ్‌కు ధాటగానే అడుతున్నాడు.

జి. మనోహర్