గిరిరాజ్ పై మండిపడ్డ ప్రతిపక్షాలు..విచారం వ్యక్తం చేసిన మంత్రి

Posted: 04/01/2015 06:45 PM IST

Union minister giriraj singh regrets hate remarks on sonia gandhi

కాంగ్రెస్ పార్టీ అధ్యక్షురాలు సోనియాగాంధీపై బీజేపీ నేత, కేంద్ర చిన్న, మధ్య తరహా ప్రభుత్వ రంగ సంస్థల శాఖ సహాయ మంత్రి గిరిరాజ్ సింగ్ చేసిన వివాదాస్పద వ్యాఖ్యాలపై కాంగ్రెస్ సహా పలు ప్రతిపక్ష పార్టీలు తీవ్ర అభ్యంతరం వ్యక్తం చేశాయి. కేంద్ర మంత్రిగా కోనసాగుతూ.. సభ్య సమాజం తలదించుకునేలా ఆయన వర్ణ వివక్షకు తెరలేపడాన్ని అందునా.. ప్రతిపక్ష పార్టీ అధినేత్రిపై ఇలాంటి వ్యాఖ్యాలు చేయడం ఎంతవరకు సమంజసమని కాంగ్రెస్ నేతలు తూర్పారబట్టారు. గిరిరాజ్ సింగ్ ను తక్షణమే కేంద్ర మంత్రి పదవి నుంచి తోలగించాలని డిమాండ్ చేశారు.

గిరిరాజ్ సింగ్ చేసిన వ్యాఖ్యాలు అఃతని మూర్ఖత్వానకి పరాకాష్టగా మరికోందరు కాంగ్రెస్ నేతలు అభివర్ణించారు. గిరిరాజ్ సింగ్ వ్యాఖ్యల పైన ప్రధాని నరేంద్ర మోడీ క్షమాపణలు చెప్పాలని కాంగ్రెస్ పార్టీ డిమాండ్ చేసింది. మరోవైపు, గిరిరాజ్ వ్యాఖ్యలతో తమకు సంబంధం లేదని బీజేపీ దూరం జరిగే ప్రయత్నం చేస్తోంది. కాంగ్రెస్ పార్టీ సీనియర్ నేత, మాజీ మంత్రి ఆర్పీఎన్ సింగ్ మాట్లాడుతూ.. గిరిరాజ్ సింగ్ వ్యాఖ్యల పైన ప్రధాని బహిరంగ క్షమాపణ చెప్పాలని డిమాండ్ చేశారు. బీజేపీ నేతలు, కేంద్రమంత్రులు తరుచూ వివాదాస్పద వ్యాఖ్యలు చేస్తున్నారని, ఇవి ఖండించదగ్గవన్నారు. గిరిరాజ్ సింగ్ కేంద్రమంత్రిగా ఉండి వివాదాస్పద వ్యాఖ్యలు చేశారని, దీనిపై ఆయన ప్రధాని తప్పనిసరిగా స్పందించాలన్నారు.

అటు రాష్ట్రీయ జనతా దళ్ పార్టీ అద్యక్షుడు లాలూ ప్రసాద్ యాదవ్ కూడా గిరిరాజ్ సింగ్ వ్యాఖ్యాలపై తీవ్ర అభ్యంతరం వ్యక్తం చేశారు. ఎంతలో వుండాల్సిన నాయకులు అంతలోనే వుండాలని, అమర్యాదగా వ్యవహరించడం, అవతలి వ్యక్తులపై చౌకబారు విమర్శలను చేయడం సమంజసం కాదన్నారు. గిరిరాజ్ వ్యాఖ్యలు అర్థరహితమని మండిపడ్డారు. అన్ని రాజకీయ వర్గాల నుంచి విమర్శలు వెల్లువెత్తడంతో గిరిరాజ్ సింగ్ కూడా తన వ్యాఖ్యలపై వెనక్కు తగ్గారు. తన వ్యాఖ్యలు సోనియా, రాహుల్ ను బాధపెట్టివుంటే అందుకు విచారం వ్యక్తం చేస్తున్నానని చెప్పారు.

అలా అంటూనే తన వాఖ్యాలను సమర్ధించుకునే ప్రయత్నం చేశారు. సోనియా గాంధీని కాకుండా రాజీవ్ గాంధీ నైజీరియా మహిళను వివాహం చేసుకునివుంటే.. నలుపు రంగు మహిళ నాయకత్వాన్ని కాంగ్రెస్ పార్టీ అంగీకరించేదా? అని గిరిరాజ్ సింగ్ అన్నారు. అయితే తాను ఆఫ్ ద రికార్డ్ గా అన్నమాటలపై వివాదం చేయడం తగదని ఆయన అన్నారు. గిరిరాజ్ సింగ్ వ్యాఖ్యలు దురదృష్టకరమని నైజీరియా రాయబారి పేర్కొన్నారు. అటు బీజేపి కూడా మంత్రి వ్యాఖ్యాలపై ఆగ్రహాన్ని వ్యక్తం చేసింది. అభివృద్ది

జి. మనోహర్