కృష్ణాతీరంలో బీచ్ రోడ్లు, రిక్రియేషన్ క్లబ్ లు

Posted: 04/06/2015 10:55 PM IST

Singapore prepares first phase of ap capital master plan

నవ్యాంధ్ర రాజధాని నిర్మాణానికి శంఖుస్థాపన త్వరలోనే జరగనుంది. ఈ కార్యక్రమానికి ముఖ్యమంత్రి చంద్రబాబు నాయుడు. ప్రధాన మంత్రి నరేంద్రమోడీని ఆహ్వానించనున్నారని సమాచారం. ఇందుకోసం ముఖ్యమంత్రి ఈ నెల 9న మరోమారు హస్తినకు వెళ్లి ప్రధానిని అంగీకారం పోందడంతో పాటు ఆహ్వానం కూడా పలకనున్నారని సమాచారం. సింగపూర్ పట్టణాభివృద్ధి సంస్థ నవ్యాంధ్ర రాజధాని అమరావతి నిర్మాణం కోసం సిద్దం చేసిన తొలివిడత ప్రణాళికను మంత్రివర్గం అమోదించింది. దీంతో ఇక శంఖుస్థాపన చేసి పనులను ప్రారంభించడమే తరువాయి.

'సింగపూర్ అధికారులు ప్రణాళికలో ఏమేమి పోందుపర్చారో.. తలుసా..

* కృష్ణానదికి ఇరువైపులా రిక్రియేషన్ జోన్
* ప్రకాశం బ్యారేజీకి ఎగువన, కృష్ణానదికి ఇరువైపులా ఐదు కిలోమీటర్ల మేర బీచ్‌రోడ్లు,
* వాటికి అనుకుని రిసార్టులను నిర్మాణం,
* అంతర్జాతీయ ప్రమాణాలతో కూడిన థీమ్‌పార్కులు, బోటింగ్ యూనిట్ల
* నదీ ముఖ రాజధాని నగర నిర్మాణంపై ప్రభుత్వ ఆసక్తి
* కృష్ణానదికి మధ్య భాగాన ప్రత్యేక కాలువ నిర్మాణం
* నదికి మధ్యలో ఉన్న భవానీ ద్వీపం వాటర్‌బోట్లు, వాటర్‌ స్పోర్ట్స్‌ల ఏర్పాటు
* విజయవాడలోని బరంపార్కు నుంచి భవానీ ద్వీపం ప్రాంతాల వరకు 10 ఏసీ డబుల్ డెకర్ బోట్లు,
* భవానీ ద్వీపం సహా పక్కనున్న నాలుగు ద్వీపాల్లో థీమ్‌పార్కులు, రెస్టారెంట్లు, లైటింగ్ హౌస్‌లు
* రూ.150 కోట్లతో సింగపూర్‌లోని ‘సెంటోసా ద్వీపం’ మాదిరిగా అభివృద్ధి

జి. మనోహర్