ITEMVIDEOS: లంచమివ్వలేదని చంటిపిల్ల ఎదుటే తల్లిపై ఇటుకతో ‘కాకీ’ దాడి

Posted: 05/11/2015 05:18 PM IST

దేశ రాజధానిలో ఓ కాకీ దారుణానికి ఒడిగట్టింది. లంచమివ్వలేదని చంటి పిల్ల ఎదుటే తల్లిపై ఇటుకతో దాడికి తెగబడింది. ఇది ఏ కాకీ అనుకుంటున్నారా..? అదే నండీ దారిపై వెళ్లే వారికి ట్రాఫిక్ జామ్ అవుతున్న సందర్భాలలో దారి చూపించే కాకీ. అర్థమైందనుకుంటాను. ట్రాఫిక్ కానిస్టేబల్. దేశ రాజధానిలో అసలే ఆడవారిపై అఘాయిత్యాలు ఎక్కువగా నమోదతున్న చోట.. ఇలాంటి ఘటనలు కూడా చోటుచేసుకోవడం.. ఈ ఘటనను వీడియో తీసి నెట్ లో అప్ లోడ్ చేయడంతో.. క్షణాల మీద విషయం ప్రపంచానికి తెలిసిసోవడంతో చేసిది లేక పోలీసులు తమ గూటికి చెందిన పక్షిని సస్సెండ్ చేసి చేతులు దులుపుకున్నారు.

వివరాల్లోకి వెళ్తే.. తన ముగ్గురు పిల్లలతో కలిసి ఓ మహిళ సౌత్ ఢిల్లీలో స్కూటీపై వెళుతుండగా సతీష్ చంద్ర అనే  హెడ్ కానిస్టేబుల్  ఆమెను ఆపాడు. నిబంధనలు విరుద్ధంగా ట్రిపుల్ రైడింగ్ చేస్తున్నావంటూ మహిళను ఆపి లంచం డిమాండ్ చేశాడు.  అందుకు ఆ మహిళ నిరాకరించింది. ఈ నేపథ్యంలో ఇద్దరి మధ్య మాటా మాట పెరిగింది. అదికాస్తా వాగ్వివాదానికి దారితీసింది. దాంతో సహనం కోల్పోయిన సతీష్ చంద్ర ...మహిళ అన్న ఇంకితం కూడా మర్చిపోయి అమెపై ఇటుకతో దాడి చేశాడు.  ఈ వ్యవహారాన్ని దారిన వెళ్లే వాళ్లు తీసిన వీడియో బయటకు రావటంతో కానిస్టేబుల్ను ఉన్నతాధికారులు విధుల నుంచి సస్పెండ్ చేశారు. ఈ సంఘటనపై అధికారులు విచారణకు ఆదేశించారు. వీడియో క్లిప్ ఆధారంగా కానిస్టేబుల్పై  క్రిమినల్ కేసు నమోదైంది.

జి. మనోహర్