అవినీతిలోనూ టిడిపి, బిజెపి స్నేహం..!?

Posted: 06/01/2015 01:44 PM IST

Telugudeam party and bjp leaders always maintain the frienddhip in telugustates

కష్టమెచ్చినా, నష్టమొచ్చినా, సుఖమైనా, సంతోషమైనా కడదాకా నీకు నేను తోడు, నాకు నువ్వుతోడు అంటూ పెళ్లి రోజు బాసలు చేయిస్తారె పంతులు గారు. అయితే తెలుగు రాష్ట్రాల్లో ఈ మాటలను బాగా వంటపట్టించుకున్నట్లున్నారు రెండు కీలక పార్టీలకు. గెలిస్తే సంబరాలు చేసి,ఓడితే తిట్టి వదిలేసే పార్టీల్లా కాకుండా అన్నింటా ఒక పార్టీ వెంట మరో పార్టీ నేతలు నడుస్తున్నారు. ఇంతకీ ఇంత ఇంట్రడక్షన్ ఏ రెండు పార్టీల గురించి అనుకుంటున్నారా..? తెలంగాణ ఎమ్మెల్సీ ఎన్నికల వేళ మీడియాలో తీవ్ర సంచలనం, తెలంగాణ రాజకీయాల్లో తీవ్ర దుమారం రేపిన రేవంత్ రెడ్డి వ్యవమారంలో.. పార్టీ నేతల సపోర్ట్ చూసి హాట్సాఫ్ అనాల్సిందే. సార్వత్రిక ఎన్నికల సమయంలో తెలుగుదేశం పార్టీ, బిజెపి పార్టీలు పొత్తు పెట్టుకున్న సంగతి తెలిసింది. అందుకే సీట్లను పంచుకొని ముందుకు దూసుకెళ్లాయి రెండు పార్టీ3లు. అయితే కష్టంలోనే కాదు అన్నింటిలోనూ మీకు తోడుగా నిలుస్తామంటున్నారు కమలదళం నేతలు. తెలుగుదేశం తమ్ముళ్లు తాపత్రయం వెంట తమ సహకారం ఉంది అన్నట్లు వ్యవహరిస్తున్నారు బిజెపి నాయకులు.

ఎమ్మెల్సీ ఎన్నికల్లో తమకు అనుకూలంగా ఓటువేయాలంటూ నామినేటెడ్ ఎమ్మెల్యే స్టీఫెన్‌సన్‌కు డబ్బులు ఇస్తూ దొరికిపోయిన సమయంలో టీటీడీపీ ఎమ్మెల్యే రేవంత్ రెడ్డి వెంట ఉన్నది భారతీయ జనతాపార్టీ యువమోర్చా రాష్ట్ర నాయకుడు ఉదయసింహ అని తేలింది. ఈయన బీజేవైఎంలో రాష్ర్ట ఉప కార్యదర్శి హోదాలో ఉన్నారు. నిజామాబాద్ జిల్లాకు చెందిన ఉదయసింహ రేవంత్ అనుచరుడు. గతంలో బీజేపీ జాతీయ అధ్యక్షుడు బంగారు లక్ష్మణ్ ఇదే తరహాలో అవినీతికి పాల్పడితే ఆయన్ను పదవి నుంచి తొలగించారు. జాతీయ అధ్యక్షుడికి వర్తించిన నీతి చోటా నేతకు ఎందుకు వర్తించదు ? అన్న ప్రశ్న లేవనెత్తుతున్నారు. అయినా సమన్యాయం అంటే మాటల్లో ఎప్పుడూ పాటించే పార్టీలు చేతల్లో మాత్రం ఎందుకు పాటిస్తాయో చెప్పండి.

*అభినవచారి*