రేవంత్ ను కస్టడీలోకి తీసుకునే యోచనలో ఏసీబి

Posted: 06/03/2015 01:25 PM IST

ఓటుకు నోటు కేసులో మరిన్ని విషయాలను, అసలు సూత్రధారి ఎవరు..? పాత్రధారులు ఎవరెవరు అన్న అంశాలపై స్పష్టత కోసం రేవంత్ రెడ్డిని విచారించాలని ఏసీబి అధికారులు బావిస్తున్నారు. ఈ కేసులో బాస్ అన్న పదం ఎవరిని ఉద్దేశించి వినియోగించారో కూడా తెలుసుకోవాలని భావిస్తున్నారు. ఈ కేసులో అరెస్ట్ అయిన రేవంత్ రెడ్డిని కస్టడీ కోరుతూ అధికారులు ఏసీబీ కోర్టులో పిటిషన్ దాఖలు చేయనున్నారు.  ముడుపుల వ్యవహారంలో రేవంత్ రెడ్డిని పూర్తిస్థాయిలో విచారిస్తేనే 'బాస్' వ్యవహారమంతా బయటకొస్తుందని ఏసీబీ భావిస్తోంది.

మరోవైపు రేవంత్‌రెడ్డి ముడుపుల వ్యవహారం కేసు మరింత విస్తృతమవుతోంది. నామినేటెడ్‌ ఎమ్మెల్యే స్టీఫెన్‌తో చంద్రబాబు మాట్లాడినట్టుగా తమ వద్ద ఆధారాలు వున్నాయని స్వయంగా తెలంగాణ రాష్ట్ర హోం మంత్రి నాయిని నర్సింహారెడ్డి నిర్ధారించారు. ఈ కేసులో టీఆర్ఎస్ కు చెందిన నామినేటెడ్ ఎమ్మెల్యే స్టీఫెనే కాకుండా... మరో ముగ్గురు ఎమ్మెల్యేలను కొనుగోలు చేసేందుకు టీడీపీ ప్రయత్నించినట్టుగా నిర్ధారించే సంభాషణలను, వివరాలను అధికారులు సేకరించారని సమాచారం.

జి.మనోహర్