ఢిల్లీలో మరో నిర్భయ ఘటన.. మహిళపై గ్యాంగ్ రేప్

Posted: 09/19/2015 08:37 PM IST

ఢిల్లీలో మరో నిర్భయ ఘటన జరిగింది. ఉబర్ క్యాబ్ ఘటన తరువాత అదే తరహాలో కొబ్బరి బోండా కోసం వెళ్లిన వివాహితను అపహరించిన క్యాబ్ డ్రైవర్, అతని మిత్రులు అమెపై సామూహిక అత్యాచారానికి పాల్పడ్డారు. దేశ రాజధాని ఢిల్లీలోని పీరాఘార్హి ప్రాంతంలో ఈ ఘటన చోటుచేసుకుంది. పోలీసులు తెలిపిన వివరాల ప్రకారం పశ్చిమ ప్రాంత సాగర్ పూర్ ప్రాంతంలోని పశ్చిమ్ విహార్ ఏరియాలో నివసించే ఓ 37 ఏళ్ల మహిళ.. కోబ్బరి బొండాల కోసం రోడ్డు దాటుతున్న క్రమంలో వెనక నుంచి వచ్చి క్యాబ్ తన పక్కన అగింది. అందులోని వెనుక సీట్లో కూర్చున్న ఇద్దరు వ్యక్తులు హుటాహుటిన దిగి తనను బలవంతంగా కారోలో ఎక్కించారు. అరిస్తే చంపేస్తామంటూ అమెను మారాణాయుధాలతో బెదిరించారు.

అమెను కారు ఎక్కించుకున్న తరువాత సుమారు రెండు గంటల పాటు పలు ప్రాంతాలలో తిప్పారు. ఆనంతరం మరో ఇద్దరు వచ్చి కారును ఎక్కగానే పీరాగర్హి ప్రాంతంలోని ఓ దుకాణంలోకి అమెను బలవంతంగా తీసుకెళ్లి అమెపై సామూహికంగా అత్యాచారం చేశారు. పలుమార్లు మార్చమార్చి వారు బాధితురాలిపై అత్యాచారం చేసినట్లు బాధితురాలు పిర్యాదులో పేర్కోందని పోలీసులు తెలిపారు. బాధితురాలి పిర్యాదు మేరకు రంగంలోకి దిగిన పోలీసులు నిందితులందరినీ తమ అదుపులోకి తీసుకుని దర్యాప్తు చేస్తున్నారు. అత్యాచారానికి ముందు మహిళను కిడ్నాప్ చేసేందుకు వినియోగించిన క్యాబ్ ను కూడా స్వాధీనం చేసుకున్నట్లు పోలీసులు తెలిపారు. నిందితులపై కిడ్నాప్ సహా నిర్భయ చట్టం కింద కేసును నమోదు చేసి దర్యాప్తు చేస్తున్నట్లు పోలీసులు తెలిపారు.

జి. మనోహర్