కత్తితో బెదిరించి కామం తీర్చుకున్నారు

Posted: 10/06/2015 10:06 AM IST

కామా తురాంనాం నా భయం . నా లజ్జ అని తెలుగు సినిమాలో ఓ డైలాగ్ ఉంది. నిజానికి కామంతో కళ్లు మూసుకున్న వాళ్లకు కన్నూ మిన్నూ తెలియక పశువుల్లా ప్రవర్తిస్తుంటారు. దేశంలో ఇప్పటికే రేప్ ల రాజానిగా ఎంతో గుర్తింపు తీసుకువచ్చిన దిల్లీకి రేప్ లలో పోటీ నిస్తూ బెంగళూరు కూడా పోటీలో నిల్చుంది. టెక్ కు కేరాఫ్ గా నిలిచే బెంగళూరులో కూడా అత్యాచార ఘటనలకు కొదవేలేదు. తాజాగా మరోసారి కదులుతున్న బస్సులోనే కామాంధులు తమ దాహాన్ని తీర్చుకున్న ఘటన బెంగళూరు నగరంలో చోటుచేసుకుంది. ఆడవాళ్లు కనిపిస్తే చాలు చరిచే కామాంధుల మధ్య సగటు మహిళ బయటకు రావాలంటే భయపడే పరిస్థితి దాపురించింది. బెంగళూరులో జరిగిన తాజా రేప్ ఘటన వివరాలు ఇలా ఉన్నాయి...

మధ్యప్రదేశ్ గ్వాలియర్ కు చెందిన ఎ యువతి బెంగళూరులోని కాల్ సెంటర్ లో ఉద్యోగం చేస్తోంది. నైట్ డ్యుటీ ముగించుకొని తిరిగి ఇంటికి ప్రయాణమైంది ఆ యువతి. ఇంటికి వెళ్లేందుకు ఓ మినీ బస్సును ఎక్కింది. బస్సు కొంత దూరం వెళ్లాక అందులోని ఇద్దరు వ్యక్తులు ఆమెను కత్తితో బెదిరించారు. అనంతరం వారికి ఆ బస్సు డ్రైవర్ కూడా తోడవడంతో అంతాకలిసి బస్సులో ఆమెను నిర్మానుష్య ప్రాంతానికి తీసుకెళ్లి సామూహిక లైంగిక దాడికి పాల్పడ్డారు. అనంతరం ఆమెను మదివాలా అనే ప్రాంతంలోని ఓ గుడి వద్ద వదిలేసి వెళ్లిపోయారు. ఈ విషయం బాధితురాలు తన సోదరితో చెప్పడంతో ఆమె వచ్చి సమీపంలోని ఆస్పత్రిలో చేర్పించింది. ఈ మేరకు పోలీసులు  కేసు నమోదు చేసుకొని దర్యాప్తు ప్రారంభించారు.