చచ్చినోడు బతికి లేచాడు.. మళ్లీ చచ్చిపోయాడు!

Posted: 10/15/2015 11:06 AM IST

Dead man prakash who came alive at hospital mortuary dies another time mumbai incident

విధి వైపరీత్యం అంటే ఇదేనేమో! హఠాన్మరణానికి గురైన ఓ వ్యక్తి పోస్టుమార్టం సమయంలో ఒక్కసారిగా లేచి అందరినీ షాక్ కి గురి చేశాడు. రెండురోజులపాటు ప్రాణాలతో వున్నాడు కూడా! ఇంతలోనే ఏమైందో తెలీదు కానీ ఆ వ్యక్తి మళ్లీ చచ్చిపోయాడు. ఈ వింత సంఘటన దేశ ఆర్థిక నగరం ముంబైలో చోటు చేసుకుంది.

గత ఆదివారం ముంబయిలో నిర్వహించిన ప్రధాని నరేంద్రమోదీ కార్యక్రమం నేపథ్యంలో భారీ సంఖ్యలో పోలీసులు వచ్చారు. రోడ్లు వెంట పెట్రోలింగ్ నిర్వహించారు. ఆ క్రమంలో ఓ ఆస్పత్రికి సమీపంలో ప్రకాశ్(50) అనే ఓ వ్యక్తి అపస్మారక స్థితిలో కనిపించాడు. అతనిని గమనించిన పోలీసులు.. వెంటనే ఆసుపత్రికి తరలించారు. అక్కడ అతని నాడీ పరీక్షించిన వైద్యుడు ఆ వ్యక్తి చనిపోయినట్లుగా నిర్ధారించాడు. దీంతో పోస్టుమార్టానికి కావాల్సిన ప్రక్రియ పూర్తి చేశారు. కాసేపట్లో డాక్టర్లు పోస్టుమార్టం ప్రారంభించేందుకు సిద్ధమయ్యారు. ఇంతలోనే ఆ వ్యక్తి ఒక్కసారిగా లేచి కూర్చుని.. మొత్తం ఆస్పత్రినే కాకుండా పోలీసులను కూడా అవాక్కయ్యేలా చేశాడు. దీంతో.. ప్రభుత్వ వైద్యుల నిర్లక్ష్యంతో బతికి ఉన్న వ్యక్తిని చనిపోయాడని చెప్పారని పలు రకాలుగా విమర్శించారు.

ఏదైతేనేం.. మృత్యువు నుంచి తిరిగి బత్రికిన ఆ వ్యక్తిని వెంటనే ఐసీయూలోకి తరలించారు. అక్కడ అతనికి మెరుగైన చికిత్స అందించారు. రెండు రోజులపాటు ప్రాణాలతో వున్నాడు. అయితే.. ఇంతలోనే ఏమైందో తెలీదు కానీ ఆ వ్యక్తి ఐసీయూలోనే చనిపోయాడు. ఆస్పత్రి డీన్ సులేమాన్ మర్చంట్ ఈ విషయం ధ్రువీకరించారు.