బాలీవుడ్ కండలవీరుడు సల్మాన్ ఖాన్ నటించిన ‘బజరంగీ భాయిజాన్’ సినిమా విడుదలైనప్పటి నుంచి ఆ సినిమా స్టోరీ తరహాలోనే నిజమైన ఘటనలు వెలుగులోకి ఒక్కొక్కటిగా వెలుగులోకి వస్తున్నాయి. ఈ క్రమంలోనే భారత్ నుంచి తప్పిపోయి పాకిస్థాన్ చేరిన ‘గీత’ కథ బయటకొచ్చింది. నిజానికి ఆ సినిమా రాకముందే గీత వ్యవహారం నడుస్తున్నప్పటికీ.. సినిమా రిలీజ్ అయిన అనంతరం అది హాట్ టాపిక్ గా మారిపోయింది. ఏదైతేనేం.. దాదాపు 14 సంవత్సరాల తర్వాత గీత స్వదేశానికి తిరిగొచ్చేసింది. ఇప్పుడు ఈమెలాగే మరో పాక్ అబ్బాయి కథ వెలుగులోకొచ్చింది. చాలాకాలం పాకిస్థాన్ నుంచి తప్పిపోయి భారత్ కు చేరిన రమాజాన్ అనే అబ్బాయి.. ఇన్నాళ్లకు తిరిగి పాక్ లో వున్న తన తల్లి చెంతకు చేరుకోబోతున్నాడు.
రమాజాన్ తల్లిదండ్రులు 2004లో విడిపోయారు. రమాజాన్ తండ్రి తన భార్యకు చెప్పకుండా అతన్ని బంగ్లాదేశ్ తీసుకుపోయాడు. అక్కడ తండ్రి, సవతి తల్లి వేధింపులు భరించలేక రమాజాన్ భారత్ కు 2008లో పారిపోయి వచ్చాడు. అలా వచ్చిన రమాజాన్ కూటికోసం ఎన్నో ఇబ్బందులు ఎదుర్కొన్నాడు. ఇతరుల సహాయార్థం కోసం అర్థించాడు. తన తల్లి దగ్గరికి తిరిగి చేరుకోవాలని దేశంలోని చాలా రాష్ట్రాలు చక్కర్లు కొట్టాడు. చివరికి మధ్యప్రదేశ్ రాజధాని భోపాల్ లోని చైల్డ్ లైన్ చారిటీ రెండేళ్ల క్రితం రమాజాన్ ను గుర్తించి చేరదీసింది. అటు.. కరాచీలో ఉంటున్న రమాజాన్ తల్లి రజియా బేగం తన కొడుకు కోసం గాలిస్తూ వచ్చింది. పోలీసులకు ఫిర్యాదు చేసింది కూడా. ఎన్ని ప్రయత్నాలు చేసినా కొడుకు దొరక్కపోవడంతో కుంగిపోయిన ఆ తల్లి.. ఆర్నెళ్ల క్రితం అతని ఫొటోలను ఇంటర్నెట్ లో పెట్టి జరిగిన సంగతిని వెల్లడించింది. చివరకు.. ఆమె తన కుమారుడి ఆచూకీ తెలుసుకుంది. భోపాల్ లో చైల్డ్ లైన్ చారిటీలో తన కొడుకు వున్నాడని తెలుసుకున్న ఆమె.. వెంటనే ఆ చారిటీ యాజమాన్యాన్ని సంప్రదించింది. 'చాలా ఏళ్లుగా నా కొడుకు దూరంగా ఉంటున్నాడు. ఇప్పటికైనా నా కొడుకును నా దగ్గరకు చేర్చండి' అని రజియా వేడుకుంది.
తల్లి గురించి రమాజాన్ కు చెప్పగా.. అతడు తన తల్లిని గుర్తించాడని, రోజు ఆమెతో ఫోన్లో మాట్లాడుతున్నాడని చైల్డ్ లైన్ చారిటీ డైరెక్టర్ అర్చనా సహాయ్ చెప్పారు. గత సెప్టెంబర్ నుంచి తల్లికొడుకులిద్దరూ ఫోన్లో మాట్లాడుకుంటున్నట్లు చారిటీవారు పేర్కొన్నారు. ఇక అమ్మతో ఫోన్లో మాట్లాడిన రమాజాన్.. 'అమ్మతో మాట్లాడినపుడు ఇద్దరం ఏడ్చేశాం. వీలైనంత త్వరగా ఇంటికి వెళ్లాలని ఉంది. అమ్మతో కలసుండాలని ఉంది. గీత మాదిరిగా నన్నూ పాకిస్థాన్ కు పంపుతారు' అని అన్నాడు. రమాజాన్ విషయాన్ని ప్రభుత్వం దృష్టికి తీసుకెళ్లామని అర్చనా సహాయ్ చెప్పారు. ఈ కుర్రాడిని పాక్ కు పంపేందుకు ప్రభుత్వం సుముఖంగా ఉందని, పాక్ అభ్యర్థన కోసం వేచి చూస్తోందని తెలిపారు. రమాజాన్ ను స్వదేశం తీసుకురావడానికి పాక్ లోని చారిటీ సంస్థలు, మానవ హక్కుల సంఘాలు కృషి చేస్తున్నాయి.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
