యువీ- కీచ్: డేటింగ్ ముగిసింది..ఎంగేజ్ మెంట్ జరిగింది..

Posted: 11/12/2015 04:26 PM IST

టీమిండియా క్రికెటర్, 2011 క్రికెట్ ప్రపంచ కప్ హీరో యువరాజ్ సింగ్ ఇంటివాడు కాబోతున్నాడు. ఈ మేరకు ఆయన నిశ్చితార్థం కూడా చేసుకున్నాడు. దీపావళి పండుగ పర్వదినాన.. తనకు అచ్చివచ్చిన ఓ సుమూహర్తన తన గర్ల్ ఫ్రెండ్, బ్రీటీష్ మోడల్, సటి హజెల్ కీచ్ తో యువరాజ్ ఎంగేజ్ మెంట్ కూడా చేసుకున్నాడు. గత కొన్నేళ్లుగా ఆయన నటి హజెల్ కీచ్ తో ప్రేమాయణం సాగిస్తున్నా.. ఆ విషయాన్ని బయటకు పోక్కనీయకుండా జాగ్రత్తలు తీసుకున్నాడు.

చివరకు అమెనే పరిణయమాడేందుకు సంసిధ్దడై దీపావళి పర్వదినాన ఇరువురు ఎంగేజ్ మెంట్ రింగ్స్ ను మార్చుకున్నారు. అయితే అది కూడా అక్కడ బ్రిటెన్ లోనో.. ఇక్కడ ఇండియాలోనే కాకుండా ఇండోనేషియా ద్వాపాల రాజధాని బాలీని వేదికగా చేసుకున్నారు. తమ ఎంగేజ్ మెంట్ అయ్యిందన్నట్లుగా నటి హాజెల్ కీచ్ తన ఎంగేజ్ మెంట్ రింగ్ ను కూడా ఫోటోగ్రాఫర్లుకు చూపిస్తూ.. ఫోటోలను ఫోజులిచ్చింది. దీంతో వీరిద్దరూ వివాహానికి సిద్దమయ్యారని అంతర్జాతీయ మీడియా కోడై కూస్తుంది.

అయితే ఇటీవలే ఈ విషయాన్ని యువరాజ్ సింగ్ స్పష్టం చేశాడు. ఇటీవలే పెళ్లి కోడుకుగా మారిన మరో టీమిండియా క్రికెటర్ హర్భజన్ సింగ్.. పెళ్లిలో సందడి చేసిన యువరాజ్ సింగ్.. అ వేదికలోనే తన మనస్సులో వున్న అభిప్రాయాన్ని హర్భజన్ తో సోషల్ మీడియా ద్వారా పంచుకున్నాడు. ఇక నువ్వు కూడా స్ట్రెయిట్ గా ఆడాలి, ఎలాంటి కట్, పుల్ షాట్స్ కు ప్రయత్నించకూడాదని భజ్జీ చమత్కరించగా, అంతే చమత్కారంతో బుదిలిచ్చిన యువీ.. దీపావళి నుంచి నేను స్ట్రేయిట్ గానే అడుతాను అని పేర్కోన్నాడు.

జి. మనోహర్