సోనియాతో మోదీ చాయ్ పే చర్చ

Posted: 11/27/2015 12:35 PM IST

ప్రధాని నరేంద్ర మోదీ ఎన్నికల సందర్భంగా బాగా ప్రచారం పొందిన కార్యక్రమం చాయ్ పే చర్చ. దేశంలో ఓ విప్లవం లాగా మోదీ ప్రవేశపెట్టిన చాయ్ పే చర్చ జనాల్లోకి వెళ్లింది. అయితే కాంగ్రెస్ పార్టీ నాయకుల ఓటమికి పరోక్షంగా చాయ్ పే చర్చ కార్యక్రమం కూడా ఒక కారణం. అయితే తాజాగా మోదీ కాంగ్రెస్ అధినేత్రి సోనియాగాంధీ, మాజీ ప్రధాని మన్మోహన్ సింగ్ ను చాయ్ పే చర్చా కు ఆహ్వానించారు. దేశంలో త్వరలో తీసుకురావాలనుకున్న జిఎస్టీ మీద మాట్లాడేందుకు మోదీ ఈ సాయంత్రం వారిద్దరిని ఆహ్వానించారు. రాత్రి ఏడు గంటల ప్రాంతంలో తన నివాసానికి వీరిద్దరిని ఆహ్వానించారు.

Also Read:  రాహుల్ కు కాలేజీ అమ్మాయిల షాక్ 

మోదీ ప్రభుత్వం ఎంతో ప్రతిష్టాత్మకంగా ప్రవేశపెడుతున్న జీఎస్టీకి ఎలాగైనా సరే విపక్షాల మద్దతును కూడగట్టాలని మోదీ విశ్వ ప్రయత్నం చేస్తున్నారు. అందులో భాగంగా నిన్నటి నుండి ప్రారంభమైన పార్లమెంట్ సమావేశాల్లో చర్చల ద్వారా అన్నింటికి పరిష్కారం లభిస్తుందని.. పార్లమెంట్ కు చర్చలే ప్రాణమని వ్యాఖ్యానించారు. జీఎస్టీలో మార్పులు చేస్తే.. జాతి ప్రయోజనాలకు దోహదపడుతుందని తాము నమ్మితే ఖచ్చితంగా మద్దతు పలుకుతామని కూడా కాంగ్రెస్ అధినేత్రి సోనియా గాంధీ వెల్లడించారు.

*అభినవచారి*