ITEMVIDEOS: ఇంద్రకీలాద్రి మీద గొడవ.. డబ్బుల వివాదం

Posted: 12/31/2015 11:05 AM IST

విజయవాడలోని ఇంద్రకీలాద్రి అమ్మవారి దేవస్థానం వద్ద రెండు వర్గాలు గొడవపడ్డాయి. బ్రాహ్మణులకు, గురు భవానీలకు మధ్య స్వల్స ఘర్షణ వాతావరణం రేగింది. అయితే డబ్బులు తీసుకోవడం.. దేవస్థానం ఆదాయానికి కొంత మంది పాల్పడుతున్నారని గొడవ మొదలైంది. ప్రతి సంవత్సరం ఎంతో నిష్టగా భవానీ దీక్ష చేసిన వారు ఇంద్రకీలాద్రి మీద అర్చకులు దీక్ష విరమించే సమయంలో డబ్బులు వసూలు చేస్తున్నట్లు భవానీలు ఆరోపిస్తున్నారు. గురు భవానీలకు, అర్చకులకు మధ్యన సాగిన వివాదం  మీడియా ముఖంగా సాగింది. అయితే ఇంద్రకీలాద్రి మీద జరుగుతున్న వివాదం మీద అధికారులు ఎలాంటి చర్యలకు పాల్పడటం లేదు.

భవానీ దీక్షలు విరమించే క్రమంలో అక్కడ ఉన్న అర్చకులు డబ్బులు వసూలు తీసుకున్నారని తెలుస్తోంది. అయితే భవానీ దీక్ష విరమణలో డబ్బులు వసూలు చెయ్యడం ఏంటీ అని భవానీలు మండిపడుతున్నారు. అమ్మ వారి హుండీలోకి చేరాల్సిన డబ్బులు ఇలా పక్కదారి పడుతున్నట్లు కనిపిస్తోంది. అయితే ప్రభుత్వం గురు భవానీలకు ప్రవేశం కల్పించాలని ఆదేశించినా కానీ అక్కడ మాత్రం అలాంటిది జరగడం లేదు. భవానీ దీక్ష విరమణను అర్చకులు వ్యాపారంగా మార్చారని భవానీలు మండిపడుతున్నారు.