కోపంతో భార్య ముక్కుకోసి..

Posted: 01/20/2016 08:33 AM IST

బార్యాభర్తలన్నాక సవాలక్ష గొడవలు పడుతుంటారు. అయితే ఒకరి మీద మరొకరు కోపంగా ఉండటం.. ఆవేశంలో అప్పుడప్పుడు తమకు తెలియకుండానే క్షణికావేశంలో ఏదో చెయ్యడం జరుగుతుంది. అయితే ఓ కిరాతకుడు చేసిన ఘన కార్యం మాత్రం అందరికి ఆశ్చర్యం అనిపించింది. దాని గురించి తెలిసిన వాళ్లంతా వాడసలు మనేషేనా అంటూ :శివాలెత్తుతున్నారు. ఇంతకీ వాడు ఏం చేశాడో తెలుసా..? తన భార్య ముక్కు కోశాడు. అవును మీరు చదువుతున్నది అక్షరసత్యం.. కోపంతో తన భార్య ముక్కు కోశాడు. ఏం జరిగిందో మీరే చదవండి.

ఆఫ్ఘన్‌లోని ఘోర్మాక్ జిల్లాలో చోటుచేసుకున్నది. రక్తమోడుతున్న బాధితురాలి ఫొటోను స్థానికులు సామాజిక మాధ్యమంలో పోస్టు చేయడంతో ప్రపంచవ్యాప్తంగా నిరసనలు వ్యక్తమయ్యాయి. ఆఫ్ఘన్ ప్రభుత్వం కూడా ఈ విషయంపై తీవ్రంగా స్పందించడంతో భయపడిన భర్త.. తాలిబన్ల ఆధీనంలోనున్న ప్రాంతంలోకి పారిపోయాడు. మహమ్మద్ ఖాన్, రెజా గుల్ భార్యాభర్తలు. రెజాతో గొడవపడిన ఖాన్ విచక్షణాజ్ఞానం కోల్పోయి చిన్నపాటి కత్తితో రెజా ముక్కు కోసేశాడు. దీంతో ఆమె అరుపులు విన్న స్థానికులు సమీపంలోని దవాఖానకు తరలించారు.