ఈ చింత పయనమంతా వివాదాలేనా..! ప్రబాకర్ పై కానిస్టేబుల్ పిర్యాదు

Posted: 02/10/2016 06:34 PM IST

చింత చచ్చినా పులుపు చావదన్నది పాత సామెతజ  అయితే పశ్చిమగోదావరి జిల్లా దెందులూరు ఎమ్మెల్యే, టీడీపీ నాయకుడు చింతమనేని ప్రభాకర్ ను చూసిన వారు మాత్రం ఆ సామెతను కాస్తంత తిరగేసి.. ఈ చింత ఒంటి నిండా వివాదాలే అని వ్యంగంగా వ్యాఖ్యానిస్తున్నారు. ఎందుకంటే. ఎమ్మెల్యే చింతమనేని ప్రబాకర్ మరోసారి వివాదంలో చిక్కుకున్నారు. ఎమ్మార్వో వనజాక్షి మొదలుకుని, అటవీశాఖ అదికారుల తరువాత ఎమ్మెల్యే చింతమనేని తాజాగా పోలిసు కానిస్టేబుల్ పైనే దాడి చేశాడు. ఈ మేరకు బాధిత కానిస్టేబుల్ పోలీసు ఉన్నతాదికారులకు పిర్యాదు చేయడంతో విషయం బయటకు పోక్కింది.

తనపై దాడి చేశారని ఏలూరుకు చెందిన పోలీసు కానిస్టేబుల్ మధు జిల్లా పోలీసు ఉన్నతాధికారులకు ఫిర్యాదు చేశాడు. దీంతో పోలీసులు ఆ దిశగా విచారణ జరుపుతున్నారు. ఇటీవల ఓ సివిల్ తగాదాలో చింతమనేని జోక్యం చేసుకున్నట్లు ఆరోపణలు వెల్లువెత్తాయి. ఆ క్రమంలో కానిస్టేబుల్ మధుపై దాడి చేసినట్లు సమాచారం. ఇప్పటికే ఇసుక అక్రమ తవ్వకాలను అడ్డుకునేందుకు వెళ్లిన కృష్ణాజిల్లా ముసునూరు ఎమ్మార్వో డి.వనజాక్షిపై చింతమనేని ప్రభాకర్తో పాటు ఆయన అనుచరులు దాడి చేశారు. ఈ సంఘటన రాష్ట్రవ్యాప్తంగా సంచలనం సృష్టించింది. అలాగే కోల్లేరు ప్రాంతంలో అటవీశాఖ నిబంధనలకు విరుద్ధంగా రహదారిని నిర్మించారు. అదికూడా ఆటవీశాఖ అధికారుల సమక్షంలోనే చోటు చేసుకోవడం గమనార్హం.