న్యూడ్ చిత్రాలతో బ్లాక్ మెయిల్.. వివాహిత యువతిపై అత్యాచారం..

Posted: 02/19/2016 11:30 AM IST

Teen girl abducted gangraped and blackmailed

తమిళనాడులో దారుణం జరిగింది. పద్దెనిమిదేళ్ల వివాహిత యువతిపై ముగ్గురు మగమృగాళ్లు విరుచుకుపడి అఘాయిత్యానికి తెగబడ్డారు. కోయంబత్తూర్ జిల్లాలోని వాడ్కాకి పాలయం గ్రామానికి చెందిన వివాహిత యువతి పై కప్పులేని స్నానపు గదిలో స్నానం చేస్తుండగా, అమె నగ్న ఫోటోలను అదే గ్రామానికి చెందిన మణికండన్ అనే యువకుడు తన సెల్ ఫోన్ తో తీశాడు. ఆ తరువాత సదరు వివాహితను తమ కామ వాంఛ తీర్చాల్సిందిగా బెదిరించాడు. లేని పక్షంలో అమె నగ్న ఫోటోలను సోషల్ మీడియాలో పెడతానని హెచ్చరించాడు.

ఈ నెల 15న అర్థరాత్రి వివాహిత యువతి ఇంటి వద్దకు వెళ్లిన మణికండన్ అనే యువకుడు అమెను కామవాంఛ తీర్చమని లేదంటే తదనంతర పరిణామాలకు తనది బాద్యత కాదంటూ హెచ్చరించాడు. తన భర్త ఇంట్లో వున్నాడని వద్దని ఎంత నచ్చజెప్పినా.. వినని మణికండన్ అమెను తాను అప్పటికే ఎంచుకున్న ప్రదేశానికి ఎత్తుకెళ్లి.. అమెపై అత్యాచారానికి తెగబడ్డాడు. అప్పటికే అక్కడ వున్న మరో ఇద్దరు యువకులు కూడా అమెపై అత్యాచారానికి పాల్పడ్డారు.

సదరు వివాహిత జరిగిన విషయానంతా తన భర్తకు తెలపడంతో భార్యతో కలసి వెళ్లిన భర్త పోలీసులకు పిర్యాదు చేశారు. కేసు నమోదు చేసిన పోలీసులు ముగ్గురు నిందితులను అరెస్టు చేసి రిమాండ్ కు పంపారు. మణికండన్ సెల్ ఫోన్ ను కూడా స్వాధీనం చేసుకున్న పోలీసులు దానిని కూడా కోర్టులో స్వాధీనం చేశారు. బాధితురాలిని వైద్య పరీక్షల నిమిత్తం స్థానిక ప్రభుత్వ అసుపత్రికి తరలించారు. వైద్య నివేదిక వచ్చిన తరువాత నిందితులపై మరిన్ని సెక్షన్ల కింద కేసులు నమోదు చేస్తామని పోలీసుల తెలిపారు.

జి. మనోహర్