దత్తత గ్రామం పేరుపాలెంలో చిరంజీవి అభివృద్ది కార్యక్రమాలు..

Posted: 02/22/2016 10:39 AM IST

టాలీవుడ్ మెగాస్టార్, కాంగ్రెస్ పార్టీ రాజ్యసభ సభ్యుడు, కేంద్ర మాజీ మంత్రి చిరంజీవి ఇవాళ తన సొంతూళ్లో సుడిగాలి పర్యటన చేయనున్నారు. పశ్చిమగోదావరి జిల్లాలోని తన సొంతూరు మొగల్తూరు వెళ్లనున్న చిరంజీవి... అక్కడి నుంచి తాను దత్తత తీసుకున్న పేరుపాలెం గ్రామానికి ర్యాలీగా బయలుదేరతారు. సంసద్ ఆదర్శ గ్రామ యోజన కింద రాజ్యసభ సభ్యుడి హోదాలో ఆయన దత్తత తీసుకున్న పేరుపాలెం గ్రామాన్ని సందర్శించనున్నారు.  

పేరుపాలం గ్రామంలో అభివృద్ధి పనుల కోసం చిరంజీవి ఇటీవలే తన ఎంపీ ల్యాడ్స్ నిధుల నుంచి 5 కోట్ల రూపాయలను కేటాయించారు. కాగా సదరు నిధులతో పేరుపాలెం గ్రామంలో పలు అభివృద్ధి పనులను చేపట్టారు. అయితే ఇవాళ ఆయా అభివృద్ది కార్యక్రమాలను చిరంజీవి సదరు గ్రామంలో శ్రీకారం చుట్టనున్నారు. పలు అబివృద్ది పనులకు అయన శంఖుస్థాపన చేయనున్నారు. చిరు పర్యటన నేపథ్యంలో మొగల్తూరు, పేరుపాలెంలో కాంగ్రెస్ పార్టీ కార్యకర్తలు, ఆయన అభిమానులు భారీ ఏర్పాట్లు చేశారు.

జి.మనోహర్