కండోమ్ ప్యాకెట్లపై ఫోటోలపై కోర్టు ఏమందంటే..

Posted: 04/28/2016 09:40 AM IST

కండోమ్ ప్యాకెట్ల మీద, వాటికి సంబంధించిన ప్రకటనల్లో మహిళల అసభ్య ఫోటోలు ముద్రిస్తూ, అశ్లీలతతో కూడిన ప్రకటనలతో ప్రజలు చెడుతోవపడుతున్నారని సుప్రీం కోర్టు పెద్ద ఎత్తున ఫిర్యాదులు అందాయి. ఈ అంశంపై అత్యున్నత న్యాయస్థానం తీవ్రంగా స్పందించింది. ఈ విషయంలో కండోమ్ తయారీ కంపెనీలకు, ప్రకటనకర్తలకు స్పష్టమైన ఆదేశాలు జారీ చేయాలని భావిస్తోంది. ఈ మేరకు ఆయా ప్రకటనల్లో అశ్లీలతపై పరిశీలన చేయాలని అదనపు సొలిసిటర్ జనరల్ (ఎఎస్‌జి) మనీందర్ సింగ్‌ను అదేశించింది.

ఈ ప్రకటనలను నియంత్రించేందుకు మీ దగ్గర ఏవైనా ప్రణాళికలు ఉన్నాయా? అని ఎఎస్‌జిని సుప్రీం ప్రశ్నించింది. ఆరు వారాల పాటు నిశితంగా పరిశీలించి అభిప్రాయం చెప్పాలని ఎఎస్‌జిని సుప్రీం ఆదేశించినట్లు జాతీయ వార్తా సంస్థలు పేర్కొన్నాయి. ప్రకటనలను పరిశీలించిన తర్వాత ఆ మేరకు సూచనలు ఇవ్వాలని సుప్రీం పేర్కొంది. అయితే ఎఎస్‌జి మనీందర్ సింగ్ కార్యాలయం మాత్రం దీనిపై స్పందించేందుకు విముఖత ప్రదర్శించింది.