జగన్ ఖచ్చితంగా మంచోడు కాదు

Posted: 05/16/2016 12:18 PM IST

వైయస్ జగన్మోహన్ రెడ్డి మీద మరోసారి బాంబ్ పేల్చారు ఆనం వివేకానంద రెడ్డి. ఎప్పుడూ ఏదో వ్యాఖ్యలతో నిత్యం వార్తల్లో నిలిచే ఈయన గత కొన్ని రోజులుగా వైయస్ జగన్ ను టార్గెట్ చేశారు. జగన్ ను, వైయస్ఆర్ కాంగ్రెస్ పార్టీని టార్గెట్ గా చేసిన ఆయన తాజాగా మరో వివాదాస్పద వ్యాఖ్య చేశాడు. వైయస్ జగన్ మంచోడా చెడ్డోడా అనేది తేల్చలేమని.. కానీ ఖచ్చితంగా ఆయన మంచోడు మాత్రం కాదు అని ఆనం వివేకా సర్టిఫై చేశాడు. వైయస్ రాజశేఖర్ రెడ్డితో జగన్ ను ఎప్పుడూ పోల్చడానికి వీలులేదని కూడా ఆయన అన్నారు.

నెల్లూరు జిల్లాకు చెందిన రాజకీయాల దగ్గరి నుండి రాష్ట్ర రాజకీయాల వరకు అన్నింట్లో తన మాటల తూటాలను దూర్చగల ఆనం వివేకానంద రెడ్డి వైయస్ జగన్ ను టార్గెట్ గా చేశారు. జగన్ కు డబ్బున్నోళ్లు అంటే ప్రేమ అని.. కాంగ్రెస్ పార్టీలో ఉండగా.. వాళ్ల ఇంట్లోకి కేవలం డబ్బులున్నోళ్లను మాత్రమే లోపలికి రానిచ్చేవారని, తమను మాత్రం బయట కూర్చోబెట్టేవాళ్లని అన్నారు. వైయస్ రాజ:శేఖర్ రెడ్డికి జగన్ కు ఎక్కడా కూడా పోలీకలు లేవని కూడా ఆయన అన్నారు. వైయస్ ప్రజల మనిషి అని.. కానీ జగన్ మాత్రం డబ్బు మనిషి అని వివేకా అన్నారు.

-Abhinavachary