ఫుల్ గా తాగి.. బిల్లు కట్టలేదని ఇలా..

Posted: 08/06/2016 03:32 PM IST

ఓ వ్యక్తి ఒంటిపై నూలుపోగు లేకుండా తన సెల్ ఫోన్‌లో మాట్లాడుకుంటూ నిర్భయంగా, నిర్లజ్జగా వీధుల్లో నడుస్తూ వెళ్తున్నాడు. ఆయనను చూసిన పలువురు ఆయన వున్న స్థితిని ఆయనకు వివరించారు. అయినా అతను పట్టించుకోలేదు. న్యూడ్ గా వెళ్తున్న వ్యక్తి దృశ్యాలు అక్కడి సీసీ కెమెరాల్లో రికార్డయ్యాయి. ఈ ఫుటేజీ కాస్తా సోషల్ మీడియాలో వైరల్ అయింది. కాళ్లకు రెండు సాక్సులు మాత్రమే ఉన్న ఆ వ్యక్తి ఏమాత్రం తొణుకుబెణుకు లేకుండా నడిచి వెళ్తుండడం పోలీసులను సైతం ఆశ్చర్యపరిచింది. చివరికి అతడిని పట్టుకుని విచారించిన పోలీసులకు దిమ్మదిరిగింది.
 
తానో పబ్‌కు వెళ్లి ఫుల్లుగా మందుకొట్టాక డబ్బులు చెల్లించకపోయే సరికి పబ్ యాజమాన్యం తన దుస్తులు లాక్కుని బయటకు తరిమేసిందని ఆవేదన వ్యక్తం చేశాడు. దీంతో వేరే గత్యంతరం లేక డబ్బుల కోసం వెతుక్కంటూ వీధుల్లో పడ్డానని గోడు వెళ్లబోసుకున్నాడు. పట్టణమంతా తిరిగాక ఎలాగోలా డబ్బులు సంపాదించి తిరిగి పబ్‌కు చేరుకుని డబ్బులు ఇచ్చి బట్టలు తీసుకున్నానని వివరించాడు. అతడి కథ విని నవ్వుకున్న పోలీసులు తర్వాత కేసు నమోదు చేశారు. దేశం ఏదైనా మందుతాగి డబ్బులు కట్టకుంటే పడే శిక్ష ఇదేనన్న మాట. పాత సినిమాల్లో ఇటువంటి దృశ్యాలను చూసిన జనం.. ఈ సీన్ చూసి నిజమేనని నమ్ముతున్నారు.