బంధువు కన్నేశాడు.. కాలయముళ్లు కాటేశారు..

Posted: 10/03/2016 08:39 AM IST

Young woman gangraped by two unknown miscreants

వయస్సులో వున్న తమ సవీప బంధువుపై ఆ మృగం కన్నేశాడు. కట్టుకధలు చెప్పి నయవంచనతో అమెను వెంటబెట్టుకుని గ్రామానికి తీసుకువస్తూ మార్గమధ్యలో దించి లోబర్చుకోవాలని అనుకున్నాడు. ఇంతలో అక్కడికి వచ్చిన ఇద్దరు అగంతకులు మొత్తం వివరం తెలుసుకుని యువతిపై దారుణంగా సామూహిక అత్యాచారానికి తెగబడ్డారు. ఈ ఘటన వరంగల్ జల్లాలోని కాజీపేటలో అదివారం తెల్లవారు జామున చోటుచేసుకోగా, స్థానికంగా తీవ్ర కలకలం సృష్టించింది. యువతి పిర్యాదుతో అప్రమత్తమైన పోలీసులు అమె బందువును అదుపులోకి తీసుకోగా, అత్యాచారం జరిపిన ఇద్దరి దుండగుల కోసం అన్వేషణ ప్రారంభించారు.

కాజీపేట్ పోలిస్ స్టేషన్ సిఐ తెలిపిన వివరాల ప్రకారం వివరాలు ఇలావున్నాయి.. మెదక్ జిల్లా దుబ్బాక మండలం అప్పనపల్లికి చెందిన యువతి హైదరాబాద్‌లో ఉంటూ ఓ ప్రైవేటు పాఠశాలలో పనిచేస్తోంది. కరీంనగర్ జిల్లా కాల్వశ్రీరాంపూర్‌ మండలం మల్యాలకు చెందిన పొన్నం అంజయ్య(30) ఆమెకు వరసుకు బావ అవుతాడు. మొన్న హైదరాబాద్ వచ్చిన అంజయ్య పనిలోపనిగా యువతి ఇంటికి వెళ్లి పలకరించాడు. ఆయన తోడుగా ఉంటాడన్న నమ్మకంతో మల్యాలలో ఉండే తన బంధువులను చూసి వచ్చేందుకు యువతి బయలుదేరింది.

ఇద్దరూ కలిసి సికింద్రాబాద్‌లో రైలెక్కి రాత్రి పదిన్నర గంటల సమయంలో కాజీపేట చేరుకున్నారు. అయితే మల్యాల వెళ్లేందుకు కాజీపేట టౌన్ స్టేషన్‌కు వెళ్లాల్సి ఉంటుందంటూ ఆమెను పక్కనే ఉన్న స్టేషన్‌కు పట్టాల వెంట నడిపించుకుంటూ తీసుకెళ్లాడు. స్టేషన్ సమీపంలోకి వస్తున్న సమయంలో ఆమెపై బలవంతంగా అత్యాచారానికి పాల్పడ్డాడు. వీరిని చూసిన మరో ఇద్దరు యువతిని బెదిరించి ఒకరితర్వాత ఒకరుగా అత్యాచారం చేశారు. అనంతరం వారి చెరనుంచి తప్పించుకున్న బాధితురాలు కాజీపేట పోలీస్ స్టేషన్‌కు చేరుకుని ఫిర్యాదు చేసింది. కేసు నమోదు చేసుకున్న పోలీసుల నిందితుల కోసం గాలిస్తున్నారు.