పీకల దాకా తాగి మంత్రి కొడుకు రచ్చ

Posted: 05/09/2017 07:36 AM IST

ఓవైపు ప్రయాణికులను సిల్లీ రీజన్ లతో అవమానకరరీతిలో ఎయిర్ వేస్ సిబ్బంది విమానంలోంచి బయటికి ఈడ్చిపడేస్తున్న ఘటనలు వరుసగా జరుగుతున్నాయి. అయితే ఇక్కడ అధికారం ఉందిగా అని ఓ నేత కొడుకు ఏం చేశాడో చూడండి. తప్పతాగి విమాన ప్రయాణానికి సిద్ధపడటమే కాదు, అడ్డుకున్న సిబ్బందిపై తిట్ల దండకం వల్లిస్తూ ఎయిర్ పోర్ట్ లో నానా రభస చేసేశాడు.

గుజరాత్ ఉపముఖ్యమంత్రి నితిన్ పటేల్ కుమారుడు జైమన్ పటేల్ (30) పూటుగా మద్యం తాగి అహ్మదాబాద్ విమానాశ్రయంలో వీరంగమేశాడు. భార్య ఝలక్, కుమార్తె వైష్వితో కలిసి గ్రీస్ వెళ్లేందుకు జైమన్ పటేల్ ఉదయం 4 గంటలకు ఎయిర్‌ పోర్ట్‌ కు చేరుకున్నారు. వీల్ చెయిర్‌ లో కూర్చున్న జైమన్ పటేల్ ఇమ్మిగ్రేషన్ తనిఖీలు కూడా పూర్తి చేయించుకున్నాడు. అయితే తొలుత అనారోగ్యంగా భావించిన అధికారులు ఆ తర్వాత అసలు విషయం తెలుసుకున్నారు.

ఆ మంత్రి మహేష్ బాబు ఫ్యాన్

 

పీకల దాకా తాగి ఉండటంతో కనీసం నడవలేని స్థితిలో ఉండగా, ఆయనను వీల్‌ చెయిర్‌ లో కూర్చోబెట్టారని అర్థమైంది. అప్పటికీ దుర్వాసన వస్తుండడంతో విమానంలో ఆయనను ఎక్కించేందుకు ఖతార్ ఎయిర్ వేస్ సిబ్బంది నిరాకరించారు. దీంతో ఆయన వారితో వాదనకు దిగారు. డిప్యూటీ సీఎం కొడుకునే ఆపుతారా అంటూ తీవ్ర ఆగ్రహం వ్యక్తం చేశారు. ఈ వివాదం గుజరాత్ లో కలకలం రేపడంతో...దీనిపై నితిన్ పటేల్ వివరణ ఇస్తూ...తన కుమారుడు అనారోగ్యం కారణంగా నడవలేక వీల్‌ చెయిర్‌ లో కూర్చున్నాడని అన్నారు. తన ప్రతిష్టను దెబ్బతీసేందుకే ప్రత్యర్ధులు అర్ధం పర్ధంలేని ఆరోపణలు చేస్తున్నారని ఆయన మండిపడ్డారు.