హై వోల్టేజ్ తీగలు.. అయినా బతికింది

Posted: 05/16/2017 11:17 AM IST

సరదాగా చేసే యత్నాలు ఒక్కోసారి తీవ్ర విషాదాలుగా మారటం కొత్తేం కాదు.. తరచూ మనం అలాంటి ఘటనలు బోలెడు చూస్తున్నదే. అయితే తృటిలో ప్రాణాలతో బయటపడ్డ ఘటనలు మాత్రం చాలా అరుదుగా ఉంటాయి. శ్రీలంకలో సరిగ్గా ఓ యువతి వీడియో ఇప్పుడు తెగ వైరల్ అవుతోంది. క్షణాల్లో ఆమె ప్రాణాలు ఎలా దక్కాయో మీరూ చూడండి.

శ్రీలంకలోని కదురుగసర మిలిటరీ క్యాంపు వద్ద మొన్నీమధ్య ఓ శిక్షణా శిబిరం నిర్వహించారు. అందులో భాగంగా ప్యారాచ్యూట్ ప్రదర్శన నిర్వహించగా, అందులో ఓ యువతి కూడా పాల్గొంది. అయితే కిందకు దిగే క్రమంలో హైవోల్డేజ్ తీగల మధ్యలోకి దూసుకుపోయింది. ఒక్కసారిగా మంటలు రావటం, ప్యారాచ్యూట్ కాలిపోయింది.

 

అయితే అదృష్టవశాత్తూ యువతికి ఏం కాలేదు. కాసేపటికి కింద పడిపోయింది. కాళ్లకు కాలిన గాయలు కావటంతో వెంటనే ఆస్పత్రికి తరలించి చికిత్స అందించారు. స్థానిక యువకుడు ఒకతను ఆ ప్రదర్శన తీస్తుండగా, ఈ ప్రమాదం కూడా అందులో రికార్డయ్యింది.