ఆన్ లైన్ అమ్మకాలతో ప్రాణాలు పోతాయి

Posted: 05/20/2017 10:50 AM IST

ఆన్ లైన్ ద్వారా మందులు విక్రయించాలన్న కేంద్ర నిర్ణయానికి వ్యతిరేకత వ్యక్తం అవుతోంది. ఈ- పోర్టల్ విధానానికి వ్యతిరేకంగా ఈ నెల(మే) 30న దేశవ్యాప్తంగా మెడికల్ షాపులు బంద్ పాటించనున్నాయి. 24 గంటలపాటు తాము బంద్ లో పాల్గొంటామని కెమిస్ట్ అండ్ డ్రగిస్ట్ అసోయేషిన్ పేర్కొంది.

ప్రిస్క్రిప్షన్, మందుల అమ్మకాలకు సంబంధించిన బిల్లును ఈ- పోర్టల్ లో అప్ లోడ్ చేయాలన్న నిబంధన ప్రజలకు ఇబ్బందిగా మారుతుందన్నారు. సాంకేతిక సమస్యలు తలెత్తినప్పుడు వినియోగదారులకు అవసరమైన అత్యవసర మందులను విక్రయించలేమని,తద్వారా రోగులకు ప్రాణాపాయ పరిస్థితి ఏర్పడే ప్రమాదం ఉంటుందని అన్నారు.

ఈ బంద్ లో తాము తప్పకుండా పాల్గొంటున్నట్టు తెలంగాణ డ్రగిస్ట్ అసోసియేషన్ వెల్లడించింది. కేంద్రం తమ ప్రతిపాదనను వెనక్కి తీసుకునేంత వరకు తమ నిరసనలు కొనసాగుతాయని ప్రకటించింది.