https://www.teluguwishesh.com/
Railways earned Rs 1407 crore via cancellation of reserved tickets టిక్కెట్ రద్దుతో రైల్వేకు ఇంత అదాయమా..?!
రైలు ప్రయాణం చేయాలంటే ముందస్తుగా టిక్కెట్లు రిజర్వ్‌ చేసుకోడం సాధారణమైన విషయం. తీరా ప్రయాణ తేదీ సమీపించగానే ఏదో కారణంలో ప్రయాణాన్ని రద్దు చేసుకుంటారు. అయితే ముందుగా రిజర్వు చేసుకున్న టిక్కెట్ల క్యాన్సిలేషన్ చేసుకుంటారు. ఇలా కాన్సిల్ చేసుకున్నవారి టిక్కెట్లలో కొంత రైల్వే శాఖ తీసుకుని కొంత ప్రయాణికులకు తిరిగి చెల్లిస్తుంది. అయితే ఇలా ఒక్క ఏడాదిలో పోగైన అదాయం ఎంతో తెలుసా..? షాకవ్వకండే.. ఏకంగా రూ. 1407 కోట్లు. నిజమండీ ఒక్క 2016-17 ఆర్థిక సంవత్సరంలో టిక్కెట్ల క్యాన్సిలేషన్ ద్వారా ఈ ఆదాయాలు ఆర్జించినట్టు రైల్వేశాఖ పేర్కొంది.
రైట్ టు ఇన్ఫర్మేషన్ యాక్టు కింద సహ కార్యకర్త చంద్రశేఖర్ గౌడ్ కోరిన సమాచారం మేరకు సెంట్రల్ ఫర్ రైల్వే ఇన్ఫర్మేషన్ సిస్టమ్స్ (సీఆర్‌ఐఎస్) ఈ వివరాలను వెల్లడించింది. గౌడ్ కు ఇచ్చిన సమాధానంలో.... 2016-17 ఆర్థిక సంవత్సరంలో టిక్కెట్ క్యాన్సిలేషన్ ద్వారా రూ.14.07 బిలియన్ల ఆదాయాలను పొందామని రైల్వేశాఖ పేర్కొంది. అంతేకాక 2015-16లో ఇవి రూ.11.23 బిలియన్లుగా ఉన్నట్టు కూడా తెలిపింది. గతేడాది కంటే ఈ ఏడాది అర్జించిన ఆదాయం 25.29 శాతం అధికమని తెలిపింది. ఈ సమాచారమంతా ప్యాసెంజర్ రిజర్వేషన్ సిస్టమ్ కింద తనకు అందించిందని గౌడ్ చెప్పారు.
కేవలం రిజర్వు చేసుకున్న టిక్కెట్ల క్యాన్సిలేషన్ ద్వారా మాత్రమే కాక, రిజర్వు కాని టిక్కెట్ల క్యాన్సిలేషన్ తో కూడా రైల్వే ఆదాయాలను ఆర్జిస్తుంది. ఇక అన్ రిజర్వుడ్‌ టిక్కెటింగ్ సిస్టమ్ (యూటీఎస్‌) ద్వారా 2016-17లో రూ.17.87 కోట్లను పొందినట్టు ఆర్టీఐ సమాధానంలో తెలిపింది. ఈ మొత్తం 2015-16లో రూ.17.23 కోట్లు, 2014-15లో రూ.14.72 కోట్లు ఉంది. రైల్వే ప్యాసెంజర్ నిబంధనలు 2015 కింద అదే ఏడాది నవంబర్లో క్యాన్సిలేషన్ టిక్కెట్ల మొత్తాన్ని రీఫండ్ చేసే నిబంధనల్లో మార్పులు తీసుకొచ్చారు. క్యాన్సిలేషన్ ఫీజులను రెండు సార్లు పెంచారు. ప్రయాణికుల ప్రయోజనాలను దృష్టిలో ఉంచుకుని రైల్వే, రీఫండ్ రూల్స్‌ను మార్చాలని గౌడ్ డిమాండ్ చేస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
