పక్కా కోతి చేష్టలు అంటే ఇవే...

Posted: 07/01/2017 05:28 PM IST

సెల్ఫీ మోజు ఎప్పుడు ఎలాంటి రిజల్ట్ ఇస్తుందో ఎవరూ చెప్పలేం. క్రేజీ ఫోజులతో ప్రాణాలు పొగొట్టుకున్న ఉదంతాలు ఎన్నో. అంతేందుకు ప్రపంచంలో అత్యధిక సెల్ఫీ మరణాలు మన దేశంలోనే నమోదవుదతున్నాయంటే అతిశయోక్తి కాదు. అలాంటి సెల్ఫీ పిచ్చి మనుషుల్లోనే కాదు.. జంతువులకు పాకితే ఎలా ఉంటుంది?

ఇంగ్లాండ్ లోని బర్మింగ్ హమ్ జూలో జరిగిన ఘటన తెలిస్తే ఎవరైనా అవాక్కవుతారు. రెబెక్కా అనే యువతి బర్మింగ్ హామ్ లోని వైల్డ్ లైఫ్ పార్క్ కి వెళ్లింది. అక్కడ జంతువులను తన సెల్ ఫోన్ లో బంధిస్తూ రెబెక్కా బిజీగా ఉంది. ఇంతలో కాపుచిన్‌ జాతికి చెందిన కోతి ఒకటి వేగంగా అక్కడికి వచ్చింది. రెబెక్కా చేతిలోని సెల్ ఫోన్ లాక్కుంది. ఈ సమయంలో రెబెక్కా ఆ కోతిని క్లోజప్ లో ఫొటో తీసేందుకు ప్రయత్నించగా కోతి చేయి సరిగ్గా కెమెరా బటన్ పై పడింది. దీంతో ఆ కోతి సెల్ఫీ వచ్చింది.

Romany the yellow-breasted capuchin, from Birmingham Wildlife Conservation Park, getting to grips with his new iPhone ... he loves a selfie. pic.twitter.com/GO9LIbTDx2

— Birmingham Updates (@BhamUpdates) June 27, 2017

దానిని చూసిన సిబ్బంది ఆ కోతి పేరు రొమాని అని చెప్పడంతో ఈ ఫొటోని సోషల్ మీడియాలో రెబెక్కా పోస్టు చేసింది. దీంతో రొమాని ఇప్పుడక్కడ సెలబ్రిటీ అయిపోయింది. కోతి చేష్టలంటూ తీసిపారేస్తుంటాం కానీ, ఇది ఇలాంటివి చూసినప్పుడు ఒక్కోసారి అవే చాలా తెలివైనవని ఒప్పుకుని తీరాల్సిందే.