ప్రేమోన్మాది దారుణం.. నిలిచిన యువతి వివాహం

Posted: 07/11/2017 01:27 PM IST

ప్రేమించిన యువతిపై అమెకు తెలియకుండానే అత్యాచారానికి పాల్పడి.. అమెను ఎలాగైనా పెళ్లి చేసుకోవాలని భావించిన ప్రేమోన్మాది.. అందుకు ఆ యువతి నిరాకరించడంతో అమెకు కాబోయే భర్తకు అమెతో సన్నిహితంగావ వున్న వీడియోలను వాట్సాప్ ద్వారా పంపించాడు. దీంతో బిత్తరపోయిన కాబోయే పెళ్లికొడుకు వాటిని చూసి యువతి తల్లిదండ్రులను నిలదీశాడు. దీంతో ఆ యువతి పెళ్లి నిలిచిపోయే పరిస్థితి ఏర్పడింది.

తమిళనాడులో ఈ దారుణ ఘటన చోటుచేసుకోగా. యువతి అమె తల్లిదండ్రులతో కలసి పోలీసులకు పిర్యాదు చేయడంతో క్రిడాకారుడైన ప్రేమోన్మాదిని పోలీసులు అదుపులోకి తీసుకుని విచారించగా.. నిందితుడు అమెపై అత్యాచారానికి పాల్పడ్డానని అంగీకరించాడు. తాము క్లోజ్ గా వున్న సమయంలోనే ఓ రోజు అమెను తన స్నేహితుల గదికి తీసుకువెళ్లి శీతలపానీయంలో మత్తమందు కలపి ఇచ్చి యువతిపై అత్యాచారానికి పాల్పడినట్టు నిందితుడు వాంగ్మూలంలో పేర్కోన్నాడు.

ఈ విషయాన్ని ఎవరికైనా చెబితే.. అమెకు సంబంధించిన అసభ్య చిత్రాలను అన్ లైన్ లో పెడతానని బెదిరించడంతో యువతి వెళ్లిపోయిందని, అప్పటి నుంచి అమె తనతో మాట్లాడటం లేదని నిందితుడు తెలిపాడు. కాగా నిందితుడు గతంలోనూ అనేక మంది యువతులతో ఇదే తరహాలో అత్యాచారాలకు పాల్పడ్డాడని అరోపణలు వస్తున్నాయి. దీపక్ సెల్ పోన్ ను స్వాధీనం చేసుకున్న పోలీసులు ఈ విషయాన్ని తెలుసుకున్నారని సమాచారం. కాగా రంగంలోకి దిగిన పోలీసులు అ కోణంలో విచారణ జరుపుతున్నారు.

ఎంబీఏ చదువుతున్న చెన్నై ట్రిప్లికేన్ కు చెందిన ఓ యువతి.. స్థానికంగా ఆమె తండ్రి నిర్వహిస్తున్న హర్డిల్స్‌ క్రీడా కేంద్రానికి వస్తుండేది. అక్కడే టీపీ సత్రం జ్యోతియమ్మాల్ నగర్ కు చెందిన దీపక్ అలియాస్ డేనీ శిక్షణ పొందుతున్నాడు. యువతి తరచుగా వస్తుండడంతో దీపక్‌ ఆమెతో స్నేహంగా మెలిగాడు. ఇద్దరూ ప్రేమలో పడ్డారు. అయితే దీపక్ యువతిపై అత్యాచారానికి తెగబడి.. బెదిరింపులకు పాల్పడటంతో అమె నిందితుడితో దూరంగా వుంటుంది.

వీరిమధ్య ప్రేమాయణంపై అనుమానాం కలిగిన యువతి తల్లిదండ్రులు అమెకు పెళ్లి చేయాలని నిశ్చయించారు. విషయం తెలుసుకున్న దీపక్.. తనను పెళ్లి చేసుకోకపోతే తీవ్ర పరిణామాలు తప్పవని హెచ్చరించాడు. అయినా తల్లిదండ్రులు చూసిన అబ్బాయినే పెళ్లి చేసుకుంటానని యువతి తెగేసి చెప్పింది. దీంతో అమెను దక్కించుకోవాలన్న ప్రేమోన్మాది అమెకు కాబోయే వరుడి సెల్ ఫోన్ నెంబరును తెలుసుకుని అతనికి వారిద్దరి సన్నిహితంగా వున్న అసభ్య వీడియోలను పంపిచాడు. దీంతో అవ్వాక్కయిన కాబోయే పెళ్లికొడుకు విషయాన్ని యువతి తల్లిదండ్రులకు చెప్పడం.. వారు పిర్యాదు చేయడంతో దీపక్ కటకటాలపాలయ్యాడు. అయిేత యువతి పెళ్లిపై మాత్రం సందిగ్ధంలో పడింది.