నటి సంగీత చటర్జీ అత్మాహత్యా యత్నం

Posted: 08/24/2017 02:57 PM IST

కొల్ కతాలో మోడలింగ్ రంగంలో రాణించి.. అక్కడి నుంచి నటిగా రాజస్థాన్ లో అరంగ్రేటం చేసి.. అంధ్రప్రదేశ్ కు వచ్చి నటిగా స్థిరపడుదామనుకుని.. ఎన్నో అశలతో ఎగురుకుంటూ వచ్చి ఎర్రచందనం స్మగ్లింగ్‌ కేసులో అభియోగాలు ఎదుర్కొని రిమాండ్ ఖైదీగా జీవనాన్ని సాగిస్తున్న సంగీతా చటర్జీ ఇవాళ చిత్తూరు సబ్‌ జైలులో ఆత్మహత్యకు యత్నించింది. తనకు బెయిలు లభిస్తుందని ఎన్నో అశలు పట్టుకున్నా నిరాశే ఎదురుకావడంతో.. తీవ్ర మనోవేదనకు గురైన సంగీత విషగుళికలు సేవించి ఆత్మహత్యాయత్నానికి ప్రయత్నించింది.

అయితే అమెను సకాలంలో గుర్తించిన జైలు సిబ్బంది.. హుటాహుటిన చిత్తూరు ప్రభుత్వాసుపత్రికి తరలించారు. ప్రస్తుతం ఆమెకు వైద్యులు చికిత్స అందిస్తున్నారు. కోల్‌కతాకు చెందిన సంగీత.. ఎయిర్ హోస్టెస్ గా తన కెరీర్ ను ప్రారంభించి.. తర్వాత మోడలింగ్ రంగంలోకి ప్రవేశించింది. నటిగా కూడా రాజస్థాన్ ప్రాంతీయ చిత్రాలలో నటించి.. అదృష్టాన్ని పరీక్షించుకున్నా అమెకు కలసిరాలేదు. దీంతో ఆంధ్రప్రదేశ్ లో నటిగా స్థిరపడాలని కొండంత అశతో వచ్చిన అమెకు ఇక్కడ.. ఎర్రచందనం అక్రమ రవాణా ముఠాలతో పరిచయం ఏర్పడింది.

అది కాస్తా సన్నిహితంగా మారి వివాహానికి కూడా దారి తీసింది. దీంతో లక్ష్మణ్ కు తోడుగా సంగీత కూడా ఎర్రచందనం స్మగ్లింగ్‌కు పాల్పడింది. దీంతో చిత్తూరు జిల్లాలో ఆమెపై నాలుగు కేసులు నమోదయ్యాయి. పోలీసులు కోల్‌కతాలో ఆమెపై నిఘా పెట్టి పక్కా ప్రణాళికతో అరెస్ట్‌ చేసి చిత్తూరు తీసుకొచ్చారు. కోర్టు రిమాండ్‌ విధించడంతో అప్పటి నుంచి ఆమె చిత్తూరు సబ్‌జైలులో రిమాండ్‌ ఖైదీగా ఉంటున్నారు. బెయిల్ రాకపోవడంతో అమె ఇవాళ విషగుళికలను సేవించి ఆత్మహత్యకు పాల్పడ్డారు.