పట్టుబడ్డ మహిళా టీచర్.. విద్యార్ధి సేఫ్..

Posted: 10/06/2017 10:09 AM IST

Ap teacher held in delhi for fleeing with student

ఢిల్లీకి వెళ్లాము రామా హరి.. అయినా పట్టుకున్నారండీ రామాహరి.. దేశరాజధాని చూద్దమనుకున్నాము రామాహరి.. కానీ విద్యార్ధిని తీసుకోచ్చారు రామాహరి.. ఇది వింటుంటే కాశీకి పోయాము రామహరి అన్న పాట గుర్తుకు వస్తుంది కదూ. నిజమే.. దొంగవేషాలు, మోసాలు చేసేవారు ఎన్ని కపట మాటలు చెప్పినా.. ఆ వెనువెంటనే నిజాలను పక్కనుంచి చెప్పేనట్లుగానే ఇక్కడ కూడా దేశ రాజధాని ఢిల్లీకి ఓ 9వ తరగతి విద్యార్థిని వారింట్లో ఎలాంటి సమాచారం ఇవ్వకుండా టీచర్ తన సోంత డబ్బులతో తీసుకెళ్లడంలో అంతర్యమేమిటో మాత్రం అర్థకాలేదు.

కానీ నిజంగా తాము ఢిల్లీ చూడటానికే వచ్చామని, ఇంట్లో చెబితే పంపించరని సమాచారం ఇవ్వలేదని టీచర్ తో పాటు విద్యార్థి కూడా అదే విషయాన్ని పోలీసు విచారణలో తెలిపారు. అలాంటప్పుడు విద్యార్థికి ఖర్చుచేసే డబ్బును తన స్నేహితులపై వెచ్చింది వారిని దేశరాజధానికి తీసుకెళ్లవచ్చుకదా..? లేదా అదే పాఠశాలలోని మరో టీచర్ ను తీసుకుని వెళ్లకుండా విద్యార్థిని మాత్రమే తీసుకెళ్లడంలో లోగ్గుట్టును తెలుసుకునేందుకు పోలీసులు విచారణ చేస్తున్నారు. బోపాల్ పోలీసులకు చిక్కిన వీరిని హైదరాబాద్ కు తరలిస్తున్నారు. అసలేం జరిగిందంటే..

కర్నూలులోని పాతబస్తీలో నివాసం ఉండే బాలుడు ఇంటికి దగ్గర్లోని ఓ ప్రైవేటు పాఠశాలలో 9వ తరగతి చదువుతున్నాడు. అదే స్కూల్ లో పని చేస్తున్న 28 యువతితో కలిసి ఈ నెల 3న తెల్లవారు జామున వెళ్లిపోయాడు. పిల్లాడి ఎక్కడికెళ్లాడో తెలియని తల్లిదండ్రులు అతని కోసం రోజంతా ఎదురు చూసి.. చివరకు కర్నూలు వన్ టౌన్ పోలీసులకు ఫిర్యాదు చేశారు. సీసీ పుటేజ్ అధారంగా విద్యార్ధి మహిళా టీచర్ తో కలిసి వెళ్లినట్టు గుర్తించిన పోలీసులు.. ఢిల్లీ వెళ్లే తెలంగాణ ఎక్స్ ప్రెస్ ఎక్కినట్టు గుర్తించారు. దీంతో భోపాల్ పోలీసులను సంప్రదించి, వారిని అక్కడ అదుపులోకి తీసుకున్నారు. దీంతో వారిద్దరి తల్లిదండ్రులు, కుటుంబ సభ్యులు భోపాల్ వెళ్లి వారిని తీసుకొచ్చారు.